ຝ່າຍນິຕິບັນຍັດຂອງຍີ່ປຸ່ນກຳລັງສະເໜີກົດໝາຍສະບັບທຳອິດຂອງປະເທດ ເພື່ອຕໍ່ຕ້ານການຖ່າຍພາບ ຫຼື ວິດີໂອ ທີ່ສະໜອງປະໂຫຍດທາງເພດຂອງຜູ້ອື່ນໂດຍບໍ່ໄດ້ຮັບອະນຸຍາດ ໂດຍຮ່າງກົດໝາຍຕໍ່ຕ້ານການລັກຖ່າຍ ຈະຫ້າມການກຳທຳຕ່າງໆເຊັ່ນ ການຖ່າຍກ້ອງກະໂປ່ງ ແລະ ການລັກຖ່າຍກິດຈະກຳທາງເພດ.
ໃນຂະນະນີ້ ຜູ້ກະທຳຜິດໃນຄະດີດັ່ງກ່າວຕ້ອງຖືກດຳເນີນຄະດີພາຍໃຕ້ກົດໝາຍທ້ອງຖິ່ນຂອງແຕ່ລະແຂວງ ເຊິ່ງມີຂອບເຂດທີ່ແຕກຕ່າງກັນໄປ.
ຮ່າງກົດໝາຍດັ່ງກ່າວ ເປັນສ່ວນໜຶ່ງຂອງການປະຕິຮູບກົດໝາຍກ່ຽວກັບອາຊະຍະກຳທາງເພດຂອງຍີ່ປຸ່ນ ໃຫ້ມີຂອບເຂດກວ້າງຂຶ້ນ ເຊິ່ງຂະຫຍາຍຄຳຈຳກັດຄວາມຂອງການຂົ່ມຂື້ນອີກດ້ວຍ ແລະ ຍັງລວມເຖິງການຫ້າມຖ່າຍ ແຈກຢາຍ ແລະ ການມີຮູບຂອງອະໄວຍະວະເພດຂອງຜູ້ອື່ນ ໂດຍບໍ່ໄດ້ຮັບອະນຸຍາດຈາກບຸກຄົນນັ້ນ.
ຜູ້ທີ່ກະທຳຜິດ ຈະຖືກຈຳຄຸກສູງສຸດ 3 ປີ ຫຼື ປັບໄໝສູງສຸດ 3 ລ້ານເຢນ ຫຼື ປະມານ 380 ລ້ານກີບ ການປະຕິຮູບຄາດວ່າຈະໄດ້ຕົກລົງກັນຈາກສະພາໃນເດືອນມິຖຸນາປີນີ້.
ແຫຼ່ງຂ່າວ Japan Times