ເກີດເຫດເສົ້າສະຫຼົດໃຈ ລົດພວງຕຳກັບລົດເມ ເຮັດໃຫ້ເສຍຊີວິດ 8 ຄົນ ແລະ ບາດເຈັບຈຳນວນຫຼາຍ.
ໃນວັນທີ 1 ພຶດສະພາ 2023 ເວລາ 16:00 ນາທີ ລົດພວງຕໍາກັບລົດເມ ທີ່ບ້ານນາໄຊ ເມືອງທ່າພະບາດ ແຂວງບໍລິຄໍາໄຊ ພາຍໃນລົດເມມີຜູ້ໂດຍສານຫຼາຍກວ່າ 20 ຄົນ ໃນນັ້ນເສຍຊີວິດແລ້ວ 8 ຄົນ ເພດຊາຍ 7 ເພດຍິງ 1 ແລະ ມີຜູ້ໄດ້ຮັບບາດເຈັບໜັກຫຼາຍພໍສົມຄວນ.
ພາຍຫຼັງທີ່ເກີດເຫດ ເມື່ອໜ່ວຍກູ້ໄພເຖິງຈຸດເກີດເຫດ ກໍໄດ້ນຳສົ່ງຜູ້ບາດເຈັບໄປໂຮງໝໍເພື່ອປິນປົວ ແລະ ໃຊ້ເວລາຫຼາຍຊົ່ວໂມງເພື່ອນຳເອົາໂຕຜູ້ໄດ້ຮັບບາດເຈັບ ຫຼື ເສຍຊີວິດອອກມາຈາກລົດເມ.
ປະຈຸບັນ ເຈົ້າໜ້າທີ່ກຳລັງເກັບກຳຂໍ້ມູນ ແລະ ຍັງຫາສາເຫດຂອງການເກີດອຸບັດຕິເຫດໃນຄັ້ງນີ້.
ທີ່ມາ ຫນ່ວຍກູ້ໄພ ອາສາເພື່ອປະຊາຊົນ/Rescue Volunteer for People