spot_img
Homeຂ່າວພາຍ​ໃນກັກຕົວ ຍິງ 1 ຄົນ ພ້ອມຢາສູບໄຟຟ້າ ຈຳນວນ 870 ອັນ ມາດຳເນີນຄະດີ

ກັກຕົວ ຍິງ 1 ຄົນ ພ້ອມຢາສູບໄຟຟ້າ ຈຳນວນ 870 ອັນ ມາດຳເນີນຄະດີ

Published on

ໃນວັນທີ 19 ເມສາ 2023 ທາງເຈົ້າຫນ້າທີ່ພະແນກຕໍາຫຼວດ ສະກັດກັດກັ້ນ ແລະ ຕ້ານຢາເສບຕິດ ປກສ ແຂວງຄຳມ່ວນ ໄດ້ຮັບການລາຍງານຈາກພົນລະເມືອງດີວ່າ: ມີກຸ່ມຄົນບໍ່ດີຈໍານວນຫນຶ່ງຈະມີການຊື້-ຂາຍ ຢາເສບຕິດ ປະເພດ ຢາສູບໄຟຟ້າ ຢູ່ເຂດບ້ານ ໜອງບົວຄຳ ເມືອງ ທ່າແຂກ ແຂວງ ຄໍາມ່ວນ ເມື່ອໄດ້ຮັບການລາຍງານຄືແນວນັ້ນທາງເຈົ້າຫນ້າທີ່ວິຊາສະເພາະ ຈື່ງໄດ້ລົງຕິດຕາມກວດກາສະຖານທີ່ດັ່ງກ່າວ ຜ່ານການກວດກາຕິດຕາມເຫັນວ່າ ມີມູນຄວາມຈິງ.

อาจเป็นรูปภาพของ 1 คน และ ข้อความ

ພໍຮອດເວລາ 21 ໂມງ ຂອງວັນດຽວກັນ ທາງເຈົ້າຫນ້າທີ່ວິຊາສະເພາະຈື່ງໄດ້ສະແດງຕົວເຂົ້າຈັບກຸມເປົ້າຫມາຍສາມາດກັກຕົວເປົ້າຫມາຍໄດ້ຈໍານວນ 01 ຄົນ ພາຍຫຼັງກັກຕົວຜູ້ຖືກຫາ ໄດ້ແລ້ວ ທາງເຈົ້າໜ້າທີ່ວິຊາສະເພາະກໍ່ໄດ້ຂະຫຍາຍຜົນປະສານສົມທົບກັບອຳນາດການປົກຄອງບ້ານໜອງບົວຄຳ ເມືອງທ່າແຂກ ທີ່ຜູ້ກ່ຽວໄດ້ເອົາຢາສູບໄຟຟ້າໄປຝາກໄວ້ (ເຊິ່ງເປັນເຮືອນຄົນຮູ້ຈັກ) ຜ່ານການກວດຄົ້ນເຮືອນຫຼັງດັ້ງກ່າວ ເຈົ້າຫນ້າທີ່ ໄດ້ພົບເຫັນ ຂອງກາງຢາເສບຕິດປະເພດຢາສູບໄຟຟ້າ ຈຳນວນ 4 ແກັດ ກັບ 7 ກັບ ເທົ່າກັບ 870 ອັນ. ຜ່ານການສືບສວນ-ສອບສວນ ຂອງເຈົ້າໜ້າທີ່ຈື່ງຮູ້ວ່າ ຜູ້ຖືກຫາຊື່ ນາງ ວິສຸດາ ສູນດາລາ ອາຍຸ 28 ປີ,ເປັນປະຊາຊົນຢູ່ບ້ານປາກຊິມັງ ເມືອງ ທ່າແຂກ ແຂວງ ຄໍາມ່ວນ ຜູ່ກ່ຽວໄດ້ຮັບສາລະພາບຕໍ່ເຈົ້າໜ້າທີ່ວ່າ ຢາເສບຕິດ ປະເພດຢາສູບໄຟຟ້າຈຳນວນດັ່ງກ່າວເປັນຂອງຜູ່ກ່ຽວແທ້ໂດຍສັ່ງຊື້ນຳຄົນຮູ້ຈັກຜ່ານທາງ ເຟດບຸກ ຈຳນວນ 870 ອັນ ໃນລາຄາ ອັນລະ 60,000 ກີບ ເທົ່າກັບ 52,200,000 ກີບ ພາຍຫຼັງຕົກລົງຊື້ຂາຍກັນແມ່ນໄດ້ຂົນສົ່ງຜ່ານບໍລິສັດຂົນສົງແຫ່ງໜຶ່ງ ຫຼັງຈາກໄດ້ຮັບຢາເສບຕິດ ປະເພດຢາສູບໄຟຟ້າ ຜູ້ກ່ຽວໄດ້ເອົາໄປຝາກໄວ້ເຮືອນ (ນ້ອງຮັກ) ຢູ້ບ້ານ ໜອງບົວຄຳ ເມືອງ ທ່າແຂກເພື່ອຈະນຳໄປຂາຍຕໍ່ໃຫ້ໄວລຸ້ນພາຍໃນເທດສະບານເມືອງທ່າແຂກ ໃນລາຄາອັນລະ 80,000 ກີບ – 120,000 ກີບແຕ່ບໍ່ທັນໄດ້ຈຳໜ່າຍກໍ່ຖືກເຈົ້າຫນ້າທີ່ກັກຕົວມາດຳເນີນຄະດີກ່ອນ ປະຈຸບັນເຈົ້າໜ້າທີ່ພວມສືບຕໍ່ ຂະຫຍາຍຜົນຫາກຸ່ມແກ່ງຜູ່ຮ່ວມຂະບວນການ ເພື່ອມາດຳເນີນຄະດີຕາມລະບຽບກົດໝາຍ.

ທີ່ມາ ປກສ ແຂວງຄຳມ່ວນ

ບົດຄວາມຫຼ້າສຸດ

ແຂວງຈຳປາສັກ ກວດກພົບສິນຄ້າແບບຫຼົບຫຼີກການເສຍພາສີອາກອນ ຈຳນວນ 4 ກໍລະນີ

ແຂວງຈຳປາສັກ ກວດກພົບສິນຄ້າແບບຫຼົບຫຼີກການເສຍພາສີອາກອນ ຕົ້ນປີ​ 2025,​ ແຂວງຈຳປາສັກ ກວດກາພົບເຫັນການເຄື່ອນໄຫວດໍາເນີນກິດຈະການທີ່ບໍ່ຖືກຕາມລະບຽບການ,​ ນໍາເຂົ້າສິນຄ້າແບບຫຼົບຫຼີກການເສຍພາສີອາກອນ​ ຫຼື​ ສິນຄ້ານອກລະບົບ 4 ກໍລະນີ. ທ່ານ​ ໄກທອງ​ ສຸວັນນາດີ ຮອງຫົວໜ້າ​ຂະແໜງ​ການຄ້າ​ພາຍໃນ​ ພະແນກອຸດສາຫະກໍາ​...

ເຂົ້າມັນໄກ່ເປັນເຫດ ເມຍຜິດກັບຜົວເລີຍຈັບມີດຟັນຜົວ ເນື່ອງຈາກເມຍເຮັດຕົ້ມຍຳໃຫ້ກິນ ແຕ່ຜົວຢາກກິນເຂົ້າມັນໄກ່

ເມຍໃຈຮ້າຍຈັບມີດຟັນຜົວ ເນື່ອງຈາກເຮັດຕົ້ມຍຳໃຫ້ກິນ ແຕ່ຜົວຢາກກິນເຂົ້າມັນໄກ່ ສຳນັກຂ່າວໄທລາຍງານໃນວັນທີ 16 ມີນາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງເຫດວ່າ: ມີຜົວ-ເມຍ ຜິດຖຽງກັນ ຢູ່ອຳເພີແກງ ຈັງຫວັດຣະຍອງ ປະເທດໄທ, ຫຼັງໄດ້ຮັບແຈ້ງເຫດເຈົ້າໜ້າທີ່ຈຶ່ງໄດ້ລົງໄປກວດສອບສະຖານທີ່ເກີດເຫດ...

ສອງຊາຍໄວໜຸ່ມກໍ່ເຫດຄາຕະກຳຊີງຊັບ ແລ້ວຖິ້ມຜູ້ເຄາະຮ້າຍລົງໜອງ

ສອງນ້ອງຮັກ ຫັກລ່ຽມໂຫດກໍ່ເຫດຄາຕະກຳເພື່ອຊິງຊັບ ແລ້ວທຳລາຍຫຼັກຖານ. ປກສ ນະຄອນຫລວງວຽງຈັນ ລາຍງານວ່າ: ວັນທີ 25 ຕຸລາ 2024 ຜ່ານມາ ເກີດເຫດຄາຕະກໍາ ຢູ່ບ້ານໜອງແຫ້ວ ເມືອງຫາດຊາຍຟອງ ນະຄອນຫລວງວຽງຈັນ....

ລາວ ເປັນ 1 ໃນປະເທດ ທີ່ຈະຖືກຈຳກັດວີຊາ ຈາກສະຫະລັດອາເມລິກາ

ສະຫະລັດກຽມຂະຫຍາຍມາດຕະການຈຳກັດວີຊາກວມ 41 ປະເທດທົ່ວໂລກ ອີງຕາມສຳນັກຂ່າວ ຮອຍເຕີ ລາຍງານໃນວັນທີ 16 ມີນາ 2025 ຜ່ານມານີ້ວ່າ: ລັດຖະບານຂອງທ່ານ ໂດນັລ ທຣັມ, ປະທານາທິບໍດີ ຂອງສະຫະລັດອາເມລິກາ...