spot_img
Homeຂ່າວພາຍ​ໃນພິທີ ສະຫຼຸບຜົນງານໃນຊີເກມ ຄັ້ງທີ 31 ທີ່ ສສ ຫວຽດນາມ

ພິທີ ສະຫຼຸບຜົນງານໃນຊີເກມ ຄັ້ງທີ 31 ທີ່ ສສ ຫວຽດນາມ

Published on

ໃນວັນທີ 21 ເມສາ 2023 ຜ່ານມາ, ທີ່ຫ້ອງປະຊຸມຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດ ຈັດພິທີ ສະຫຼຸບຜົນງານໃນຊີເກມ ຄັ້ງທີ 31 ທີ່ ສສ ຫວຽດນາມ ທີ່ທັບນັກກີລາລາວເຂົ້າຮ່ວມ ດ້ວຍຜົນງານ 2 ຫຼຽນຄໍາ, 7 ຫຼຽນເງິນ ແລະ 33 ຫຼຽນທອງ ພ້ອມທັງປະດັບຫຼຽນໄຊແຮງງານ II, ຊັ້ນ III ແລະ ຫຼຽນກາແຮງງານ, ໃຫ້ກຽດເຂົ້າຮ່ວມໂດຍ ທ່ານ ສຈ. ກິແກ້ວ ໄຂຄໍາພິທູນ ຮອງນາຍົກລັດຖະມົນຕີແຫ່ງ ສປປ ລາວ, ທ່ານ ຮສ.ປອ ພຸດ ສິມມາລາວົງ ລັດຖະມົນຕີກຊວງ ສຶກສາທິການ ແລະ ກີລາ ແລະ ທ່ານ ແສງພອນ ພົນອາມາດ ຫົວໜ້າກົມກີລາລະດັບສູງ ພ້ອມດ້ວຍຄະນະນໍາ, ຄະນະຄູຝຶກ, ນັກກີລາ ແລະ ສື່ມວນຊົນເຂົ້າຮ່ວມຢ່າງພ້ອມພຽງ.

ໂອກາດດັ່ງກ່າວ ທ່ານ ແສງພອນ ພົນອາມາດ ຫົວໜ້າກົມກີລາລະດັບສູງ ໄດ້ກ່າວລາຍງານວ່າ: ຜົນສໍາເລັດ ໃນຊີເກມ ຄັ້ງທີ 31 ໃນລະຫວ່າງວັນທີ 12-23 ພຶດສະພາ 2022 ທີ່ ສສ ຫວຽດນາມ ກັບຜົນງານ 2 ຫຼຽນຄໍາ, 7 ຫຼຽນເງິນ ແລະ 33 ຫຼຽນທອງ ຈາກການສົ່ງເຂົ້າຮ່ວມ 30 ປະເພດກີລາ ໂດຍມີຄະນະນໍາ, ຄູຝຶກ ແລະ ນັກກີລາເຂົ້າຮ່ວມທັງໝົດ 511 ຄົນເຊິ່ງສໍາເລັດຕາມເປົ້າໝາຍສາມາດຍາດໄດ້ຫຼຽນຫຼາຍກວ່າຊີເກມ ຄັ້ງທີ 30 ໃນປີ 2019 ທີ່ປະເທດຟິລິບປິນ, ສ່ວນການກຽມພ້ອມເຂົ້າຮ່ວມ ຊີເກມ ຄັ້ງທີ 32 ທີ່ປະເທດກໍາປູເຈຍ ໃນລະຫວ່າງວັນ 5-17 ພຶດສະພາ 2023 ໂດຍເຈົ້າພາບກໍານົດເອົາ 46 ປະເພດກີລາ ສະເພາະ ສປປ ລາວ ກໍານົດສົ່ງເຂົ້າຮ່ວມທັງໝົດ 31 ປະເພດກີລາ ເຊິ່ງຄາດຄະນະຈໍານວນຄະນະນໍາ, ຄູຝຶກ ແລະ ນັກກີລາ 576 ( ຍິງ 131 ຄົນ ) ເຂົ້າຮ່ວມ.

ຂະນະດຽວກັນ ທ່ານ ສຈ. ກິແກ້ວ ໄຂຄໍາພິທູນ ຮອງນາຍົກລັດຖະມົນຕີແຫ່ງ ສປປ ລາວ ແລະ ທ່ານ ຮສ.ປອ ພຸດ ສິມມາລາວົງ ລັດຖະມົນຕີກຊວງ ສຶກສາທິການ ແລະ ກີລາ ໄດ້ໃຫ້ກຽດປະດັບຫຼຽນໄຊແຮງງານຊັ້ນ II, ຊັ້ນ III ແລະ ຫຼຽນກາແຮງງານ ໃຫ້ແກ່ຄະນະນໍາ, ຄະນະຄູຝຶກ ແລະ ນັກກີລາ ທີ່ເຂົ້າຮ່ວມຊີເກມ ຄັ້ງທີ 31 ເຂົ້າຮ່ວມຮັບກຽດຕິຍົດດັັ່ງກ່າວຈໍານວນ 200 ກວ່າຄົນໃນພິທີດັ່ງກ່າວ, ຕໍ່ດ້ວຍການມອບເງິນລາງວັນການອັດສີດຈາກບໍລິສັດຕ່າງຄື:
-ບໍລິສັດເບຍລາວ ຈໍາກັດ ອຸປະຖໍ້າເງິນລາງວັນ 234.000.000 ກີບ ແລະ ສະໜັບສະໜູນຜະລິດຕະພັນເຄື່ອງດື່ມ, ເຄື່ອງນຸ່ງ ແລະ ເງິນສົດທັງໝົດ 633.287.000 ກີບ
-ບໍລິສັດ ລາວໂທລະຄົມມະນາຄົມ ມະຫາຊົນ ອຸປະຖໍາເປັນເງິນລາງວັນທັງໝົດ 370.000.000 ກີບ
-ນອກນັ້ນ, ຍັງມີບັນກາການຈັດຕັ້ງ, ພາກລັດ, ບັນດາບໍລິສັດ ແລະ ບຸກຄົນທີ່ເປັນຄະນະບໍລິຫານງານ ສະຫະພັນ ໄດ້ປະກອບສ່ວນຊຸກຍູ້ ນັກກີລາຂອງແຕ່ລະປະເພດກີລາ ເປັນເງິນທັງໝົດ ເກືອບ 4 ຕື້ກວ່າກີບ.

ແຫຼ່ງຂ່າວ-ຮູບພາບ: ຂ່າວເສດຖະກິດ-ການຄ້າ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...