ໃນເວລາປະມານ 12:20 ໂມງຂອງວັນທີ 19 ເມສາ 2023 ໄດ້ຮັບແຈ້ງເຫດມີຄົນລົງຫຼິ້ນນ້ຳແລ້ວສູນຫາຍ
ຊື່: ທ້າວ ອາຫລົງ ອາຍຸ 32 ປີ ອາຊີບ ກຳມະກອນ ເກີດທີ່ບ້ານຈື່ຢາງ ເມືອງບຸນໃຕ້ ແຂວງຜົ່ງສາລີ ແລະ ຜູ້ກ່ຽວໄດ້ມາເຮັດວຽກຢູ່ ທີ່ບ້ານນາໄຫ ເມືອງຫາດຊາຍຟອງນະຄອນຫຼວງວຽງຈັນ.
ຕາມການລາຍງານເບື້ອງຕົ້ນຂອງປະຊາຊົນທີ່ຢູ່ບໍລິເວນດັ່ງກ່າວໄດ້ລາຍງານວ່າ: ມີຜູ້ຊາຍສອງຄົນ ທີ່ກິນເຂົ້າແລ້ວຕອນສວຍອາກາດມັນຮ້ອນເລີຍລົງຫຼິ້ນນໍ້າຂອງໂດດຢູ່ທ້າຍເຮືອດູດຫີນດູດຊາຍ ຫຼັງຈາກນັ້ນກໍບໍ່ພົບຊາຍອີກຄົນຂຶ້ນມາ.
ຫຼ້າສຸດໃນເວລາປະມານ 11:00 ໂມງຂອງວັນທີ 20 ເມສາ 2023 ເຈົ້າໜ້າທີ່ໜ່ວຍກູ້ໄພໄດ້ທຳການຄົ້ນຫາຈຶ່ງພົບຮ່າງຜູ້ເສຍຊີວິດລອຍຂຶ້ນມາ.
(ຂໍສະແດງຄວາມເສຍໃຈຕໍ່ຄອບຄົວຜູ້ເສຍຊີວິດດ້ວຍ)