ເລືອດມີຄວາມສຳຄັນ ແລະ ຈຳເປັນຕໍ່ຄົນເຈັບ ແຕ່ລະປີຄວາມຕ້ອງການຊົມໃຊ້ເລືອດໃນຂອບເຂດທົ່ວປະເທດ
ສູງເຖິງ 60 ພັນຖົງ ແຕ່ການສະໜອງຕົວຈິງໄດ້ພຽງແຕ່ເຄິ່ງໜຶ່ງ ຂະນະທີ່ອົງການກາແດງລາວຮຽກຮ້ອງທຸກຊັ້ນ
ຄົນທີ່ມີອາຍຸ 17 ປີ ນ້ຳໜັກ 45 ກິໂລຂຶ້ນໄປຂໍໃຫ້ຕື່ນຕົວບໍລິຈາກເລືອດປະກອບສ່ວນຊ່ວຍຊີວິດ ຄົນເຈັບ ຫຼ້າສຸດ
ວານນີ້ ທີ່ໂຮງຮຽນວຽງຈັນ-ໂຮ່ຈິມິນ ກໍໄດ້ຈັດກິດຈະກຳບໍລິຈາກເລືອດ ຊຶ່ງມີຜູ້ບໍລິຈາກ 300 ກວ່າຄົນ.
ທ່ານ ແພງທອງ ບານຈັນທະວົງ ຫົວໜ້າພະແນກປຸກລະດົມ ແລະ ບໍລິຈາກເລືອດອົງການກາແດງລາວໃຫ້ສຳພາດ
ຕໍ່ສື່ພວກເຮົາວ່າ: ປະຈຸບັນກຳລັງເລັ່ງຈັດກິດຈະກຳການບໍລິຈາກເລືອດຖີ່ຂຶ້ນເພື່ອ ໃຫ້ໄດ້ເລືອດສະໜອງແກ່ຄົນ
ເຈັບທີ່ກຳລັງນອນປິ່ນປົວຕາມໂຮງໝໍ ຕ່າງໆຢ່າງພຽງພໍ, ສະເພາະໃນນະຄອນຫຼວງວຽງຈັນ ມື້ໜຶ່ງຕ້ອງການໃຊ້
ເລືອດໃນລະດັບ 100 ກວ່າຖົງ ແລະ ໃນຂອບເຂດທົ່ວປະເທດຕ້ອງການໃນລະດັບ 2-3 ພັນຖົງຕໍ່ວັນ ສະນັ້ນ ເພື່ອ
ສະໜອງເລືອດໃຫ້ຄົນເຈັບຢ່າງພຽງພໍພວກເຮົາພະຍາຍາມ ປຸກລະດົມການບໍລິຈາກເລືອດໃຫ້ໄດ້ 60 ພັນຖົງຕໍ່ປີ.
ຢ່າງໃດກໍຕາມ ຜ່ານການລະດົມບໍລິຈາກເລືອດຕົວຈິງສະຖິຕິສູງສຸດປີໜຶ່ງໄດ້ພຽງ ແຕ່ 30 ພັນຖົງ ແຕ່ກໍຍັງບໍ່ພຽງ
ພໍກັບຄວາມຕ້ອງການ ດັ່ງນັ້ນ ທາງອົງການກາແດງຈິ່ງຈັດກິດຈະກຳຖີ່ຂຶ້ນ ເພື່ອໃຫ້ບັນລຸຕາມຄວາມຕ້ອງການ,
ຜ່ານມາການໃຫ້ບໍລິຈາກເລືອດເຫັນວ່າຄົນມີຄວາມຕື່ນຕົວຫຼາຍຂຶ້ນ ໂດຍສະເພາະຜູ້ຄົນຢູ່ໃນຕົວເມືອງ ແຕ່ສະ
ຖານທີ່ໃຫ້ການບໍຈາກຍັງຈຳກັດອາໄສຕາມໂຮງຮຽນຕ່າງໆ ແລະ ພະນັກງານບໍລິການບໍລິຈາກເລືອດມີໜ້ອຍ ເມື່ອ
ຄົນມາບໍລິຈາກຫຼາຍກໍບໍ່ສາມາດບໍລິການໄດ້ທັນ.
ແຫລ່ງຂ່າວ: ເສດຖະກິດ – ສັງຄົມ