ໃນວັນທີ 10 ເມສາ 2023 ພະແນກອຸດສາຫະກຳ ແລະ ການຄ້າແຂວງອຸດົມໄຊ ລົງຕິດຕາມ, ກວດກາ ແລະ ຄຸ້ມຄອງລາຄາສິນຄ້າ ໃນຊ່ວງເທດສະການກບຸນປີໃໝ່ລາວ ພສ 2566.
ອີງຕາມທິດຊີ້ນຳຂອງຄະນະພັກ, ຄະນະພະແນກ ເລື່ອງ ຕິດຕາມ, ກວດກາ ແລະ ຄຸ້ມຄອງລາຄາສິນຄ້າ ໃນຊ່ວງເທດສະການກບຸນປີໃໝ່ລາວ ພສ 2566 ຄັ້ງວັນທີ 19/3/2023.
ຂະແໜງການຄ້າພາຍໃນ ສົມທົບກັບ ຂະແໜງຊັບສິນທາງປັນຍາ, ມາດຕະຖານ ແລະ ວັດແທກ ພະແນກອຸດສາຫະກຳ ແລະ ການຄ້າແຂວງອຸດົມໄຊ ໄດ້ລົງຕິດຕາມ, ກວດກາ ແລະ ຄຸ້ມຄອງລາຄາສິນຄ້າ ຢູ່ບັນດາຕະຫຼາດສົດ ແລະ ຮ້ານຊຸບເປີມາເກັດ ພາຍໃນເທດສະບານເມືອງໄຊ ເພື່ອຕິດຕາມປ້ອງກັນ ການສວຍໂອກາດ ກັກຕູນສິນຄ້າ, ຂື້ນລາຄາສິນຄ້າຕາມລຳພັງ ແລະ ເພື່ອເປັນການປົກປ້ອງສິດຜົນປະໂຫຍດຂອງຜູ້ບໍລິໂພກ ໃນຊ່ວງເທດສະການກບຸນປີໃໝ່ລາວ ພສ 2566.
ທີ່ມາ ຄະນະຊາວໜຸ່ມໜ່ວຍຮາກຖານ ພະແນກອຸດສາຫະກຳ ແລະ ການຄ້າແຂວງອຸດົມໄຊ