spot_img
Homeແຈ້ງການ​ແຈ້ງ​ການ ​ເພີ່​ມ​ທະ​ວີຮັກ​ສາ​ຄວາມ​ສະ​ຫງົບ ໃນ​ໄລ​ຍະ​ງານ​ສະ​ເຫຼີມ​ສະຫຼອງ​ບຸນ​ປີ​ໃໝ່​ລາວ​ ພ​ສ 2566 ຢູ່​ເມືອງ​ໂຂງ

​ແຈ້ງ​ການ ​ເພີ່​ມ​ທະ​ວີຮັກ​ສາ​ຄວາມ​ສະ​ຫງົບ ໃນ​ໄລ​ຍະ​ງານ​ສະ​ເຫຼີມ​ສະຫຼອງ​ບຸນ​ປີ​ໃໝ່​ລາວ​ ພ​ສ 2566 ຢູ່​ເມືອງ​ໂຂງ

Published on

​ກອງບ​ັນ​ຊາ​ການ ປກ​ສ ເມ​ືອງ​ໂຂງ ແຂວງຈຳປາສັກ ໄດ້​ອອກ​ແຈ້ງ​ການ​ເມື່ອ​ບໍ່​ດົນ​ມານີ້ ກ່ຽວ​ກັບ​ການ ​ເພີ່​ມ​ທະ​ວີຮັກ​ສາ​ຄວາມ​ສະ​ຫງົບ, ຄວາມ​ເປັນ​ລະ​ບຽບ​ຮຽບ​ຮ້ອຍ ໃນ​ໄລ​ຍະ​ງານ​ສະ​ເຫຼີມ​ສະຫຼອງ​ບຸນ​ປີ​ໃໝ່​ລາວ​ ພ​ສ 2566 ຢູ່​ເມືອງ​ໂຂງ ໂດຍ​ມີ 14 ຂໍ້​ຫ້າມ ແລະ ມາດ​ຕະ​ການ​ຕ່າງໆ​ຕ່​ໍ​ຜູ້​ລະ​ເມີດ.

​ທ່ານ ພັ​ທ ສົມ​ສະ​ໜຸກ ພະ​ໄຊ​ສົມ​ບັດ ຫົວ​ໜ້າ​ກອງ​ບັນ​ຊາການ ປກ​ສ ເມ​ືອງ​ໂຂງ ໃຫ້​ສຳ​ພາດ​ໃນ​ທ້າຍ​ອາ​ທິດ​ຜ່ານ​ມາ​ວ່າ: ເພື່ອ​ຮັບ​ປະ​ກັນ​ໃຫ້​ມີ​ຄວາມ​ສະ​ຫງົບ, ຄວາມ​ເປັນ​ລະ​ບ​ຽບ​ຮຽບ​ຮ້ອຍ, ຄວາມ​ປອດ​ໄພ​ໃນ​ທົ່ວ​ສັງ​ຄົມ, ພ້ອ​ມ​ທັງ​ເຮັດ​ໃຫ້​ງານ​ສະ​ເຫຼີມ​ສະຫຼອງ​ບຸນ​ປະ​ເພ​ນີ​ສົ່ງ​ທ້າຍ​ປີ​ເກົ່າ ພ​ສ 2565 ແລະ ຕ້ອນ​ຮັບ​ປີ​ໃໝ່​ລາວ ພ​ສ 2566 ໃຫ້​ມີ​ຄວາມ​ສະ​ຫງົບ, ເບີກ​ບານ​ມ່ວນ​ຊື່ນ ແລະ ຖືກ​ຕ້ອງ​ຕາມ​ຮີດ​ຄອງ​ປະ​ເພ​ນີ​ອັນ​ດີ​ງາມ​ຂອງ​ລາວ​ເຮົາ; ດັ່ງ​ນັ້ນ ກອງ​ບັນ​ຊາ​ການ ປກ​ສ ເມ​ືອງ​ໂຂງ ຈຶ່ງ​ໄດ້​ແຈ້ງ​ການ ແລະ ວາງ​ຂໍ້​ຫ້າມ​ເປັນ​ຕົ້ນ:

  1.  ໃຫ້ບັນດາຫ້ອງການ, ກົມກອງອ້ອມຂ້າງເມຶອງ,ກຳລັງ ປກສ 09 ກຸ່ມ ເເລະ 03 ກຸ່ມບ້ານໃຫຍ່ຕະຫຼອດຮອດອຳນາດການປົກຄອງບ້ານ 114 ບ້ານໃນທົ່ວເມືອງ ໃຫ້ເອົາໃຈໃສ່ເພີ່ມທະວີວຽກງານ ປ້ອງກັນຄວາມສະຫງົບ ຄວາມເປັນລະບຽບຮຽບຮ້ອຍຂອງສັງຄົມ, ຕ້ານ ເເລະ ສະກັດກັ້ນເເກ້ໄຂປະການຫຍໍ້ທໍ້ທີ່ເກີດຂື້ນໃນຂອບເຂດ ຄວາມຮັບຜິດຊອບຂອງຕົນໃຫ້ໄດ້ດີ ເເລະ ທັນກັບສະພາບການ.
  2. ຫ້າມປະຊາຊົນລາວຂ້າມໄປຫຼີ້ນປີໃໝ່ ເເລະ ນອນຄ້າງຄືນຢູປະເທດກປູເຈຍໂດຍບໍ່ຖືກຕ້ອງຢ່າງເດັດຂາດ;
  3. ຜູ້ຂັບຂີ່ລົດ, ເຮຶອ-ບັກ ຕ້ອງເຄົາລົບ ເເລະ ປະຕິບັດຕາມກົດລະບຽບຈາລະຈອນທາງບົກ ເເລະ ທາງນໍ້າຢ່າງເດັດຂາດ;
  4. ຫ້າມຜູ້ຂັບຂີ່ລົດດື່ມສີ່ງມືນເມົາ (ເມົາຫ້າມຂັບຂີ່ລົດ) ຢ່າງເດັດຂາດ, ຖ້າຫາກກວດພົບເຫັນເຈົ້າໜ້າທີ່ຕຳຫຼວດທີ່ກ່ຽວຂ້ອງຈະໄດ້ກັກຜູ້ຂັບຂີ່ໄວ້ ເພື່ອສຶກສາອົບຮົບ, ສ່ວງເມົາເເລ້ວຈິ່ງອະນຸຍາດໃຫ້ໄປ ຫຼືໃຫ້ຍາດພີ່ນ້ອງ, ໝູ່ຄູ່ມາຮັບເອົາ ເພື່ອຮັບປະກັນຄວາມປອດໄພ ພ້ອມດຳເນີນຕາມຂັ້ນຕອນຂອງລະບຽບກົດ ໝາຍ;
  5. ຜູ້ຂັບຂີ່ເຮຶອ-ບັກ ເເລະ ຜູ້ໂດຍສານ ຕ້ອງໃສ່ເສື້ອຊູຊີບ ເພື່ອຮັບປະກັນຄວາມປອດໄພໃຫ້ເເກ່ຜູ້ຂັບຂີ່ເຮືອ-ບັກ ເເລະ ຜູ້ໂດຍສານ;
  6. ຫ້າມຂັບຂີ່ຍານພານະເກີນຄວາມໄວທີ່ກົດໝາຍ ເເລະ ປ້າຍສັນຍານຈາລະຈອນກໍານົດໄວ້;
  7. ຜູ້ຂັບຂີ່ລົດໃຫ່ຍ ເເລະ ຜູ້ໂດຍສານ ຕ້ອງຮັດສາຍແອວນິລະໄພ ເພື່ອຮັບປະກັນຄວາມປອດໄພໃຫ້ເເກ່ຜູ້ຂັບຂີ່ ເເລະ ຜູ້ໂດຍສານ;
  8. ຫ້າມຜູ້ໂດຍສານນັ່ງຂອບກະບະລົດ, ນັ່ງຝາທ້າຍລົດ ເເລະ ຫຼັງຄາລົດ ໃນເວລາລົດກຳລັງສັນຈອນຢ່າງເດັດຂາດ;
  9. ຫ້າມຂີ່ລົດຈັກເປັນພຶງ-ເປັນເເພ ກີດຂວາງການສັນຈອນຕາມເສັ້ນທາງຢ່າງເດັດຂາດ
  10. ຫ້າມໃຊ້ສີ່ງເປີະເປືອນ, ສາດນໍ້າສີ, ນໍ້າເປື້ອນ, ນໍ້າຄັນ, ເເກ່ວງຖົງນໍ້າ, ເເກ່ວງນ້ຳກ້ອນໃສ່ກັນ, ນຸ່ງເຄື່ຶງໂປ້-ເປືອຍ ເຂົ້າວັດ ເເລະສະຖານທີ່ຊຸມຊົນ;
  11. ຫ້າມຕັ້ງຈຸດຕາມເສັ້ນທາງ ເເລະ ຕັນທາງການສັນຈອນຂອງພາຫະນະ, ລັດຫົດນໍ້າຢູ່ຕາມເສັ້ນທາງ 13, ທາງຊອຍໃຫຍ່ເຂົ້າບ້ານ ເເລະ ຈຸດທີ່ເຫັນວ່າມີຄວາມສ່ຽງຕໍ່ການເກີດອຸປະຕິເຫດ;
  12. ຫ້າມຈັດງານຄອນເສີດໃນບ້ານ, ວັດວາອາຮາມ, ສະຖານທີ່ສາາທາລະນະ, ຕາມຫາດ-ເເຄມນ້ຳຕ່າງໆ ທີ່ບໍໄດ້ຮັບອະນຸຍາດ;
  13. ຫ້າມຈູດໝາກກະໂພກ ເເລະ ໃຊ້ສຽງດັງເກີນຂອບເຂດ ໃນການເປີດສຽງດົນຕຣີເນືອງນັນລົບກວນຜູ້ອື່ນ ກາຍເວ​ລາ 22:00 ໂມງ;
  14. ຫ້າມຈັດງານມ່ວນຊື່ນຕ່າງໆ ທີ່ເປັນການຫາລາຍໄດ້ໂດຍບໍ່ໄດ້ຮັບອະນຸຍາດຈາກພາກສ່ວນທີ່ກ່ຽວຂ້ອງໂດຍເດັດຂາດ, ກ່ຽວກັບພາກສ່ວນທີ່ໄດ້ຮັບອະນຸຍາດຈັດງານມ່ວນຊື່ນຕ່າງໆ ກໍ່ຕ້ອງປະຕິບັດໂມງເວລາໂມງເວລາໃຫ້ເຂັ້ມງວດຕາມລະບຽບກົດໝາຍທີ່ໄດ້ກໍານົດໄວ້ ( 06:00 ໂມງ ​ຫາ17:00 ໂມງ).

​ທຸກ​ການ​ກະ​ທຳ​ທີ່​ເປັນ​ການ​ລະ​ເມີດ​ທີ່​ກ່າວ​ມານັ້ນ ດ້ວຍ​ເຈດ​ຕະ​ນາ ແລະ ບໍ່​ເຈດ​ຕະ​ນາ ລ້ວນ​ແຕ່​ຈະຖືກ​ສຶກ​ສາ​ອົບ​ຮົມ, ກ່າວ​ເຕືອນ, ປັບ​ໃໝ​ຕາມ​ສະ​ຖານ​ກາ​ນ​ລະ​ເມີດ ຫຼື ດຳ​ເນີນ​ຄະ​ດີ​ຕໍ່​ຜູ້​ລະ​ເມີດ​ຕາມ​ລະ​ບຽບ​ການ.

ບົດຄວາມຫຼ້າສຸດ

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...