ສຳນັກຂ່າວຕ່າງປະເທດລາຍງານ ໃນວັນທີ 28 ພະຈິກນີ້ວ່າ ຄະນະກຳມະການກາແດງສາກົນ (ICRC) ຮຽກຮ້ອງຂໍເງິນ
ບໍລິຈາກໃນວັນພະຫັດ (27 ພະຈິກ) ຜ່ານມານີ້ ຈຳນວນ 1,6 ຕື້ໂດລາ ໃນປີໜ້າ ເພື່ອຊ່ວຍເຫລືອຜູ້ຄົນໃນທົ່ວໂລກທີ່ປະ
ສົບເຄາະຮ້າຍຈາກການສູ້ຮົບ ແລະ ຄວາມຂັດແຍ່ງໃນພູມີພາກຕ່າງໆ, ນັບເປັນການຮ້ອງຂໍຮັບເງິນບໍລິຈາກຄັ້ງໃຫຍ່ທີ່
ສຸດໃນປະຫວັດສາດ ນັບຕັ້ງແຕ່ອົງການກາແດງໄດ້ສ້າງຕັ້ງຂຶ້ນ ໃນປີ 1863 ເປັນຕົ້ນມາ ແລະ ຍັງຖືເປັນຍອດເງິນທີ່ສູງ
ກ່ວາງົບປະມານປັດຈຸບັນຂອງອົງການກາແດງສາກົນເຖິງ 25%.
ທ່ານ ປີເຕີ ເມົາເຣີ ປະມານຄະນະກຳມະການກາແດງສາກົນ ໄດ້ເປີດເຜີຍວ່າ ການປະກາດຂໍຮັບເງິນບໍລິຈາກຈຳນວນ
ດັ່ງກ່າວນີ້ ສະທ້ອນໃຫ້ເຫັນເຖິງຄວາມຈຳເປັນຂອງຜູ້ຄົນ ທີ່ຕ້ອງໄດ້ປະເຊີນກັບຄວາມທຸກຍາກຈາກທຳມະຊາດປ່ຽນ
ແປງ, ຈາກຄວາມຂັດແຍ່ງທາງດ້ານການສູ້ຮົບ ຕະຫລອດຮອດເຫດຮຸນແຮງໃນຮູບແບບອື່ນໆອີກ.
ທັງນີ້ ຄະນະກຳມະການກາແດງສາກົນ ມີທີ່ຕັ້ງຢູ່ໃນນະຄອນເຊີແນວ ເຊິ່ງຖືເປັນໜຶ່ງໃນອົງການມະນຸດສະທຳທີ່ມີຂະ
ໜາດໃຫຍ່ຂອງໂລກ.
