ໃນວັນທີ 4 ເມສາ 2023 ຜ່ານມາ, ເກີດເຫດລົດໄຟໂດຍສານຂອງປະເທດໂຮນລັງ ຕໍາກັບເຄື່ອງຈັກອຸປະກອນກໍ່ສ້າງຂະໜາດໃຫຍ່ ແລະ ລົດໄຟໂດຍສານຕົກລາງໃກລ້ກຸງເຮກ ເຮັດໃຫ້ມມຜູ້ເສຍຊີວິດ 1 ຄົນ ແລະ ບາດເຈັບປະມານ 30 ຄົນ.
ສຳນັກຂ່າວ AFP ລາຍງານວ່າ: ລົດໄຟຂະບວນດັ່ງກ່າວໄດ້ເດີນທາງມາຈາກເມືອງໄລເດນ ໄປກຸງເຮກ ແຕ່ເກີດເຫດຕຳກັບ ລົດເຄນຢູ່ເທິງລາງໃກ້ໝູ່ບ້ານ ວໍສະໂຄເທນ ເຊິ່ງລົດໄຟບັນທຸກສິນຄ້າອີກຂະບວນໜຶ່ງຕຳເຂົ້າກັບເຄື່ອງຈັກດັ່ງກ່າວເຊັ່ນກັນ.
ເຈົ້າໜ້າທີ່ລົດໄຟໄດ້ລະບຸວ່າ: ແຮງຂຂອງການຕຳກັນເຮັດໃຫ້ຕູ້ໂດຍສານທັງ 2 ຊັ້ນດ້ານໜ້າລົງໄປນອນພິກຢູ່ຂ້າງລາງ, ເຊິ່ງຕູ້ໜຶ່ງພິກຄວ້ຳ ຂະນະທີ່ອີກຕູ້ເກີດເຫດໄຟໄໝ້.