ສຳນັກຂ່າວຕ່າງປະເທດລາຍງານ 28 ພະຈິກນ້ີວ່າ ຊາຍຊາວຈີນທີ່ຖືກຍົກໃຫ້ເປັນປະຣະມາຈານສາດ ວິຊາກັງຟູ
ອາຍຸ 70 ປີ ໄດ້ທຳການສະແດງພາລະກຳລັງສຸດຍອດຈາກຮ່າງກາຍຂອງລາວ ດ້ວຍການໃຊ້ອະໄວຍະວະເພດຍົກ
ເຄື່ອງທີ່ມີນ້ຳໜັກ 70 ກ່ວາກິໂລ ແກ່ວງໄປມາຫລາຍນາທີ.
ລາຍງານໄດ້ລະບຸວ່າ ທ່ານ ເຈົ່າ ເສິນຫົວ ອາຍຸ 70 ປີ ຫລື ອາຈານເຈົ່າ ປະຣະມາຈານສາດວິຊາກັງຟູ ເຊິ່ງເຄີຍຜ່ານ
ການເຝິກຝົນວິຊານີ້ມາຈາກວັດເສົ້າຫລິນ ສຳນັກກັງຟູຕໍ່ສູ້ກຳລັງພາຍໃນຊື່ດັງຂອງຈີນ, ໂດຍອາຈານເຈົ່າໄດ້ທຳ
ການສະແດງສຸດປະຫລາດ ແລະ ທ້າທາຍສາຍຕາຜູ້ຄົນ ດ້ວຍການຜູກກ້ອນດິນຈີ່ຂະໜາດໃຫຍ່ ນ້ຳໜັກປະມານ
70 ກິໂລ ໄວ້ທີ່ອະໄວຍະວະເພດຂອງຕົວເອງ.
ອາຈານເຈົ່າ ຄ່ອຍໆລຸກຂຶ້ນ ແລະ ຍົກກ້ອນດິນຈີ່ຂະໜາດໃຫຍ່ຂຶ້ນດ້ວຍອະໄວຍະວະເພດ ຈົນກ້ອນດິນຈີ່ລອຍຂຶ້ນ
ເໜືອພື້ນດິນ ກ່ອນຈະແກ່ວງໄປມາເຖິງ 320 ຄັ້ງ ລວມເປັນເວລາ 10 ນາທີ ກ່ອນທີ່ຈະຢຸດຕິການສະແດງລົງ.
ທັງນີ້ ອາຈານເຈົ່າເປີດເຜີຍວ່າ ສາດນີ້ເປັນວິຊາທີ່ເຝິກຝົນຍາກທີ່ສຸດໃນສຳນັກເສົ້າຫລິນ ເຊິ່ງວິທີນີ້ເຮັດໃຫ້ສຸຂະ
ພາບຂອງເຂົາເອງແຂງແຮງກ່ວາຄົນອາຍຸເທົ່າໆກັນ.