ອີງຕາມ ໜ່ວຍກູ້ໄພມູນນິທິຊ່ວຍເຫລືອຄົນທຸກຍາກແຫ່ງ ສປປ ລາວ ລາຍງານ, ໃນເວລາ 23:20 ໂມງ ຂອງວັນທີ 30 ມີນາ 2023 ໄດ້ຮັບແຈ້ງເຫດວ່າ: ມີລົດໃຫຍ່ຕຳລົດຈັກແລ້ວຫນີ ທີ່ ເສັ້ນທາງບ້ານຊຳເກດ ເມືອງສີໂຄດຕະບອງ ນະຄອນຫລວງວຽງຈັນ.
ດັ່ງນັ້ນໜ່ວຍກູ້ໄພມູນນິທິ 1623 ຈຶ່ງໄດ້ອອກກວດສອບພົບເຫັນຜູ້ເສຍຊີວິດ 1 ຄົນ ເພດຍິງ ອາຊີບພະນັກງານ ບ້ານຫນອງແຕ່ງ ເມືອງສີໂຄດຕະບອງ ນະຄອນຫຼວງວຽງຈັນ ອາການເບື້ອງຕົ້ນແມ່ນຄໍຂາດ,ຂາຫັກເບື້ອງຊ້າຍແລະແຂນຫັກທັງສອງເບື້ອງ(ເສຍຊີວິດຄາທີ່).
ຂໍສະແດງຄວາມເສຍໃຈກັບຄອບຄົວແລະຍາດຕິພີ່ນ້ອງຜູ້ເສຍຊີວິດໃນເຫດການຄັ້ງນີ້ດ້ວຍ.