ໃນວັນທີ 30 ມີນາ 2023 ຜ່ນມາ, ກອງທັບສະຫະລັດ ເປີດເຜີຍວ່າ: ອຸບັດຕິເຫດ ເຣລິຄອບເຕີ ແບັກຫວອກ 2 ລຳບິນຕຳກັນກາງອາກາດ ລະຫວ່າງການຝຶກຊ້ອມຕອນກາງຄືນໃນວັນພຸດ ທີ 29 ມີນາ 2023 ຜ່ານມາ, ເຮັດໃຫ້ຜູ້ໂດຍສານເຮລິຄອບເຕີທັງ 2 ລຳ ເສີຍຊີວິດລວມທັງໝົດ 9 ຄົນ ນັບວ່າເປັນອຸບັດຕິດເຫດໃນການຝຶກຊ້ອມທີ່ເຮັດໃຫ້ມີຄົນເສຍຊີວິດຫຼາຍ ທີ່ສຸດໃນຮອບຫຼາຍປີ.
ສຳນັກຂ່າວຮອຍເຕີລະບຸວ່າ: ເຮືອບິນທັງ 2 ລຳຕຳກັນກ່ອນທີ່ຈະຕົກລົງໃນເຂດພຶ້ນທີ່ໂລ່ງ ໃນເຂດ ທິກ ເຄົາຕີ ລັດເຄນຕັກກີ. ສຳລັບເຮືອບິນເຮລິຄອບເຕີ ແບັກຫວອກ ທີ່ປະສົບອຸບັດຕິເຫດ ມາຈາກກອງບິນ 101 ລຸ້ນ HH-60 ຊຶ່ງອອກແບບມາໃຊ້ໃນການສະໜັບສະໜູນກອງທັບຫຼາາຍຮູບແບບ ລວມໄປເຖິງການໂຈມຕີທາງອາກາດ ແລະ ການອົບພະຍົບ ທາງການແພດ.
ທັງນີ້ ທ່ານ ລອຍ ອອສຕິນ ລັດຖະມົນຕີປ້ອງກັນຄວາມສະຫົງບສະຫະລັດ ກ່າວ ສະແດງຄວາມເສຍໃຈຕໍກັບຄອບຄົວຜູ້ເສຍຊີວິດ ແລະ ເຂົາກຳລັງເຮັດວຽກຮ່ວມກັບກອງທັບເພື່ອໃຫ້ແນ່ໃຈວ່າ ຄອບຄົວຜູ້ເສຍຊີວິດຈະໄດ້ຮັບການດູແລທີ່ພວກເຂົາຕ້ອງການ.
ທີ່ມາ: ຮອຍເຕີ