ອຸບັດຕິເຫດເຮັດໃຫ້ເດັກອາຍຸ 8 ປີ ເສຍຊິວິດຄາທີແລ້ວຂັບລົດຫຼົບໜີ

0
2526

ເວລາປະມານ 23:54 ໂມງຂອງວັນທີ 29 ມີນາ 2023 ຜ່ານມາ, ເກີດອຸບັດຕິເຫດຕຳແລ້ວໜີ ຢູ່ເສັ້ນທາງເຂດບ້ານ ຄໍາຮຸ່ງ ເມືອງໄຊທານີ ນະຄອນຫຼວງວຽງຈັນ ຈາກເຫດການດັ່ງກ່າວເຮັດໃຫ້ມີຜູ້ເສຍຊິວິດ 1 ຄົນ.

ເຈົ້າໜ້າທີ່ ໄດ້ໃຫ້ຂໍ້ມູນເບື້ອງຕົ້ນວ່າ: ລົດເກັງ ສີຂາວ ຍີ້ຫໍ້ DYD ( ລົດໄຟຟ້າ ) ບໍ່ຕິດປ້າຍທະບຽນ, ຂັບຂີ່ໂດຍທ້າວ ພູນຊໍາ, ອາຍຸ 43 ປີ, ຢູ່ບ້ານໂພນສະຫວ່າງ ເມືອງຈັນທະບູລີ, ຜູ້ກ່ຽວໄດ້ຂັບຂີ່ລົດມາແຕ່ເສັ້ນທາງບ້ານພະຂາວ ຈຸດປະສົງຈະຂັບຂີ່ກັບບ້ານຂອງຕົນເອງ ແຕ່ພໍຂັບຂີ່ມາຮອດເສັ້ນທາງ 4 ແຍກ ( ໜ້າໂຮງແຮມຄອນປະສົງ ) ໄດ້ເກີດອຸບປະຕິເຫດ ຕໍາກັບລົດຈັກ ເວບ 100, ປ້າຍທະບຽນ ຈກ 3244 ກໍາແພງນະຄອນ ທີ່ຂັບຂີ່ມາແຕ່ເສັ້ນທາງບ້ານສີວິໄລ, ຜູ້ຂັບຂີ່ຊື່ທ້າວ ສາຍຝົນ, ອາຍຸ 41 ປີ, ຢູ່ບ້ານດົງໝາກຄາຍ ເມືອງໄຊທານີ ໃນນັ້ນ ມີຜູ້ຊ້ອນທ້າຍ 1 ຄົນ ຊຶ່ງເປັນລູກສາວ ຊື່ ນາງ ມັນນີ ອາຍຸ 8 ປີ.

ພາຍຫຼັງເກີດເຫດ ເຮັດໃຫ້ເດັກນ້ອຍເສຍຊີວິດຄາທີ, ສວ່ນວ່າຜູ້ຂັບຂີ່ລົດເກັງ ໄດ້ຂັບລົດຫຼົບໜີ ບໍ່ຈອດລົດຈອດເບິ່ງຄູ່ກໍລະນີ້, ແຕ່ມີພົນລະເມືອງດີເຫັນເຫດການ ແລ້ວໄດ້ຂັບຂີ່ລົດນໍາລົດເກັງຄັນດັ່ງກ່າວ ແລ້ວແຈ້ງເຈົ້າໜ້າທີ່ໃຫ້ກັກຕົວຜູ້ກຽວພ້ອມຍ້ານພາຫະນະ, ປະຈຸບັນ ເຈົ້າໜ້າທີ່ກໍາລັງເກັບກໍາຂໍ້ມູນເພີ່ມຕື່ມ ເພື່ອດໍາເນີນຄະດີຕາມລະບຽບກົດໝາຍ.
ຂໍສແດງຄວາມເສຍໃຈກັບຄອບຄົວຜູ້ເສຍຊີວິດໃນອຸບັດຕິເຫດຄັ້ງນີ້.

ທີ່ມາ: ຄວາມສະຫງົບ