ກະຊວງສາທາລະນະສຸກໃຫ້ຮູ້ວ່າ: ປັດຈຸບັນຢູ່ບັນດາແຂວງ ແລະ ນະຄອນຫຼວງ ໄດ້ມີຄລີນິກ (ຫ້ອງກວດພະຍາດ
ເອກະຊົນ) ເກີດຂຶ້ນເປັນຈຳນວນຫຼາຍ, ເພື່ອໃຫ້ບໍລິການປິ່ນປົວສຸຂະພາບ, ຊຶ່ງສ່ວນຫຼາຍເຫັນວ່າເຄື່ອນໄຫວດຳ
ເນີນຖືກຕ້ອງຕາມລະບຽບການ, ແຕ່ກໍຍັງຈຳນວນໜຶ່ງເຄື່ອນໄຫວບໍ່ຖືກຕ້ອງຕາມລະບຽນການເຊັ່ນ: ໃຫ້ຄົນ
ຕ່າງຊາດເຊົ່າດຳເນີນການຕໍ່ ຫຼື ຄົນລາວເປັນຜູ້ຕັ້ງແຕ່ຮ່ວມມືກັບຕ່າງຊາດ ແລະ ມີການໂຄສະນາໃຫ້ຊວນເຊື້ອ
ຢ່າງແຜ່ຫຼາຍ, ຕໍ່ບັນຫານີ້ ຜ່ານມາກະຊວງສາທາລະນະສຸກກໍໄດ້ອອກແຈ້ງການໃຫ້ບັນດາຄລີນິກດັ່ງກ່າວຍຸດ
ເຊົາການເຄື່ອນໄຫວທີ່ບໍ່ຖືກຕ້ອງຕາມລະບຽບການດັ່ງກ່າວ, ແຕ່ມາຮອດປັດຈຸບັນກໍຍັງເຫັນວ່າຍັງມີຄລີນິກ
ຈຳນວນໜຶ່ງ ຍັງສືບຕໍ່ຝ່າຝື່ນຢູ່, ຢ່າງໃດກໍຕາມປັດຈຸບັນກະຊວງສາທາລະນະສຸກ ກຳລັງສົມທົບກັບບັນດາ
ແຂວງ, ນະຄອນຫຼວງ, ເພື່ອສັງຢຸດການເຄື່ອນໄຫວງານຂອງຄລີນິກເຫຼົ່ານັ້ນ ໂດຍໃຫ້ປະຕິບັດຕາມດຳລັດວ່າ
ດ້ວຍຫ້ອງກວດພະຍາດເອກະຊົນຂອງກະຊວງສາທາລະນະສຸກ ທີ່ໄດ້ກຳນົດຄື: ຜູ້ທີ່ຈະເປີດຫ້ອງກວດພະຍາດ
ເອກະຊົນຕ້ອງເປັນຄົນລາວ, ຖືສັນຊາດລາວ, ຕັ້ງພູມລຳເນົາຢູ່ ສປປ ລາວ ບໍ່ຕ່ຳກວ່າ 10 ປີ ແລະຕ້ອງເປັນແພດ
ຊັ້ນສູງ ທຽບເທົ່າທີ່ມີໃບປະກາດຊະນີຍາບັດຮັບຮູ້ຈາກກະຊວງສາທາລະນະສຸກ ແລະ ຕ້ອງຜ່ານວຽກງານຕົວຈິງ
ມາແລ້ວຢ່າງໜ້ອຍ 7 ປີ.
ກະຊວງສາທາລະນະສຸກໃຫ້ຮູ້ວ່າ: ປັດຈຸບັນທົ່ວປະເທດມີຄລີນິກຫຼາຍກວ່າພັນແຫ່ງ, ມີໂຮງໝໍເອກະຊົນ 13 ແຫ່ງ,
ໃນນັ້ນຄລີນິກທີ່ເຄື່ອນໄຫວບໍ່ຖືກຕ້ອງຢູ່ນະຄອນຫຼວງວຽງຈັນມີປະມານເກືອບ 7 ແຫ່ງ.
ແຫລ່ງຂ່າວ: ລາວພັດທະນາ