ໃນເວລາທ່ຽງຄືນຂອງວັນທີ 22 ມີນາ 2023 ຜ່ານມາ, ເກີດເຫດຄົນໂດດລົງຂົວຂ້າມນໍ້າຂອງປາກເຊ ແຂວງຈຳປາສັກ ຕາມການລາຍາງນຂອງຜູ້ເຫັນເຫດການໄດ້ເລົ່າວ່າ: ຜູ້ກ່ຽວເປັນຜູ້ຊາຍ ອາຍຸປະມານ ຊາວປາຍປີ ຂີ່ລົດຄິກໄອ ທະບຽນ 8183 ໃສ່ຊຸດກິລາ ເສື້ອແດງໂສ້ງສີຂາວ ຂື້ນນັ່ງງອຍຄານຂົວຂ້າມນໍ້າຂອງປາກເຊ ເຊິ່ງຜູ້ຢູ່ໃນເຫດການໄດ້ຖາມວ່າມາຫຍັງ ລາວກໍໄດ້ຕອບວ່າມານັ່ງແນມຫາເອື້ອຍອີນແຕ່ງ ຄັນສິເຂົ້າໃກ້ເພີ່ນເພີ່ນກະຂູ່ສິໂດດລົງນໍ້າຂອງ.
ຫຼ້າສຸດໃນວັນທີ 24 ມີນາ 2023 ເວລາ 1:00 ນາທີ, ເຈົ້າໜ້າທີ່ ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ສາຂາ ແຂວງຈຳປາສັກໄດ້ພົບສົບຂອງຜູ້ເສຍຊີວິດແລ້ວ ເຂດເຮືອແພເຈົ້ານາງ ຫຼັງຈາກນັ້ນເຈົ້າໜ້າທີ່ຈຶ່ງໄດ້ທຳການນຳຮ່າງຜູ້ເສຍຊີວິດຂຶ້ນມາ ແລະ ນຳໄປທຳພິທີທາງສາດສະໜາ.
ຂໍ້ມູນ: ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ສາຂາ ແຂວງຈຳປາສັກ