ໃນປັດຈຸບັນປະເທດລາວກຳລັງຜະເຊີນກັບສະພາບອາກາດທີ່ມີຄວາມຮ້ອນສູງເຖິງ 38-40 ອົງສາ ດັ່ງນັ້ນ, ເພື່ອເປັນການປ້ອງກັນຈາກການສະພາບອາກາດທີ່ຮ້ອນແຮງ ທາງທີມງານລາວໂພສມີ 7 ວິທີຮັບມືກັບອາກາດຮ້ອນມາແນະນຳ ເຊິ່ງຈະມີວິທີໃດແນ່ໄປຕິດຕາມກັນເລີຍ:
1. ດື່ມນ້ຳຫຼາຍໆ, ບໍ່ຈຳເປັນຕ້ອງຖ້າໃຫ້ຮູ້ສຶກຢາກ ແຕ່ຄວນດື່ມນ້ຳເພື່ອຊົດເຊີຍ ເຫື່ອທີ່ອອກຕາມຜິວໜັງ.
2. ຫຼີກຫຼ່ຽງເຄື່ອງດື່ມທີ່ມີທາດຄາເຟອິນ ແລະ ເອວກໍຮໍ ເພາະສານເຫຼົ່ານີ້ຈະກຳຈັດນ້ຳອອກຈາກຮ່າງກາຍໄດ້ຫຼາຍກວ່າປົກກະຕິ.
3. ສວມໃສ່ເສື້ອຜ້າໃຫ້ເໝາະກັບສະພາບອາກາດ ຕົວຢ່າງເຊັ່ນ: ເສື້ອສີຂາວ ຄວນໃສ່ເສື້ອໂຕໃຫຍ່ເພື່ອໃຫ້ລະບາຍອາກາດໄດ້ດີ ຄວນຫຼີກຫຼ່ຽງການໃສ່ເສື້ອສີດຳທີ່ສາມາດດຶງດູດຄວາມຮ້ອນໄດ້.
4. ທາຄີມກັນແດດ ຫຼື ໂລຊັ່ນກັນແດດ ສວມໃສ່ແວ່ນກັນແດດ ແລະ ໝວກເພື່ອປ້ອງກັນຜິວຈາກແສງແດດຮ້ອນ ແລະ ລັງສີຍູວີ ເມື່ອອອກໄປຂ້າງນອກ.
5. ຫຼີກລ່ຽງແດດຮ້ອນແຮງ ໂດຍສະເພາະໃນເວລາກາງເວັນທີ່ແສງແດດຈ້າ ເພື່ອຫຼຸດຜ່ອນການສໍາຜັດກັບອາກາດຮ້ອນ, ແສງແດດແລະລັງສີ ຍູວີ ທີ່ເປັນອັນຕະລາຍຕໍ່ຜິວຫນັງແລະຮ່າງກາຍ.
6. ຈັດເຮືອນໃຫ້ເໝາະສົມກັບສະພາບອາກາດ ໂດຍໃຊ້ຜ້າກັ້ງບັງແດດທີ່ບໍ່ມີຄວາມໜາເກີນ ຫຼື ປູກຕົ້ນໄມ້ຢູ່ໃນເຮືອນ ເພື່ອໃຫ້ມີຄວາມຮົ່ມເຢັນເຊັ່ນດຽວກັນ.
7. ເອົາໃຈໃສ່ເບິ່ງແຍງຜູ້ສູງອາຍຸ ເມື່ອອອກໄປເຮັດກິດຈະກຳນອກເຮືອນ ຄວນເອົາຂໍ້ມູນສ່ວນຕົວ ແລະ ເບີໂທຕິດຕໍ່ ໂດຍສະເພາະແມ່ນຜູ້ສູງອາຍຸທີ່ຢູ່ຄົນດຽວ ເພື່ອເປັນປະໂຫຍດໃນກໍລະນີສຸກເສີນ.
