spot_img
Homeຂ່າວພາຍ​ໃນເຈົ້າແຂວງບໍລິຄຳໄຊ ລົງຊຸກຍູ້ໂຄງການຂຸດຄົ້ນແຮ່ທາດຢູ່ເມືອງບໍລິຄັນ ແລະ ເມືອງຄຳເກີດ

ເຈົ້າແຂວງບໍລິຄຳໄຊ ລົງຊຸກຍູ້ໂຄງການຂຸດຄົ້ນແຮ່ທາດຢູ່ເມືອງບໍລິຄັນ ແລະ ເມືອງຄຳເກີດ

Published on

ໃນວັນທີ 20 ມີນາ ຜ່ານມາ, ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ປະທານຄະນະກຳມະການຄຸ້ມຄອງການລົງທຶນຂັ້ນແຂວງ ພ້ອມຄະນະ ໄດ້ລົງຊຸກຍູ້ການຂຸດຄົ້ນແຮ່ທາດ ບໍລິສັດກາວີໂກລາວບໍ່ແຮ່ ຈຳກັດ ຢູ່ເມືອງບໍລິຄັນ ມີທ່ານ ວັນເລີນ ປູ້ຍໄມນີ ເຈົ້າເມືອງບໍລິຄັນ ແລະ ພະແນກການທີ່ກ່ຽວຂ້ອງຮ່ວມທາງ.

อาจเป็นรูปภาพของ 6 คน, ผู้คนกำลังยืน และ กลางแจ้ง

ໂຄງການຂຸດຄົ້ນແຮ່ທາດ ບໍລິສັດ ກາວີໂກລາວບໍ່ແຮ່ ຈຳກັດ ເປັນບໍລິສັດຮ່ວມທຶນ (ລາວ 22% ແລະ ສສ ຫວຽດນາມ 78%) ສໍາປະທານຂຸດຄົ້ນແຮ່ທາດ (ແຮ່ນີແກນ, ແຮ່ເຫຼັກ, ແຮ່ໂກບານ, ແຮ່ຄໍາ, ແລະ ແຮ່ເງິນ) ແບ່ງອອກເປັນ 2 ເຂດຄື:

  1. ເຂດທີ 1: ເນື້ອທີ່ຂຸດຄົ້ນ ແລະ ປຸງແຕ່ງແຮ່ຄໍາ ແລະ ແຮ່ເງິນ 4.976 ເຮັກຕາ
  2. ເຂດທີ 2: ເນື້ອທີ່ຂຸດຄົ້ນ ແລະ ປຸງແຕ່ງແຮ່ນີແກນ, ແຮ່ເຫຼັກ ແລະ ແຮ່ໂກບານ 1.928 ເຮັກຕາ ກວມເອົາບ້ານບໍ່, ໂພນແຍງ, ໂພນສົງ ແລະ ບ້ານຜາເມືອງ ເມືອງບໍລິຄັນ

ໂຄງການມີອາຍຸສັນຍາ 20 ປີ ໃນນັ້ນໄລຍະກໍ່ສ້າງ 2 ປີ ໄລຍະຂຸດຄົ້ນ 15 ປີ, ໄລຍະການປິດບໍ່ແຮ່ ແລະ ການຟື້ນຟູເນື້ອທີ່ 3 ປີ, ປັດຈຸບັນແມ່ນຢູ່ໃນຂັ້ນຕອນສຸດທ້າຍໃນການສຶກສາສຳຫຼວດ ຄວາມເປັນໄປໄດ້ ແລະ ການຊົດເຊີຍເນື້ອທີ່ດິນທຳການຜະລິດຂອງປະຊາຊົນ, ສຳເລັດການກໍ່ສ້າງໂຮງງານນິແກນ ແລະ ໜ້າວຽກຈຳນວນໜຶ່ງ, ການຈັດຕັ້ງປະຕິບັດໜ້າວຽກຍັງພົບຄວາມຫຍຸ້ງຍາກຫຼາຍດ້ານ ເປັນຕົ້ນແມ່ນດ້ານນິຕິກຳ ຍັງບໍ່ທັນສອດຄ່ອງກັບນະໂຍບາຍ, ການຊົດເຊີຍເນື້ອທີ່ທຳການຜະລິດຂອງປະຊາຊົນບາງຕອນຍັງບໍ່ທັນຂາດຕົວ ເປັນຕົ້ນແມ່ນຊົດເຊີຍແລ້ວແຕ່ປະຊາຊົນຍັງເຂົ້າມາທຳການຜະລິດຕື່ມອີກ ລໍຖ້າເກັບກູ້ຜົນຜະລິດ ເຮັດໃຫ້ການປະຕິບັດໜ້າວຽກຊັກຊ້າໃນການກະກຽມການຂຸດຄົ້ນ.

อาจเป็นรูปภาพของ 5 คน, ผู้คนกำลังยืน และ ท้องฟ้า

ໃນຕອນແລງຂອງວັນດຽວ ທ່ານເຈົ້າແຂວງບໍລິຄຳໄຊ ພ້ອມຄະນະກໍໄດ້ສືບຕໍ່ໄດ້ລົງຕິດຕາມການຂຸດຄົ້ນຫີນມາໂບ້ ຂອງ ບໍລິສັດ ຈິນໄທເຕີຄຳເກີດມາໂບ້ພັດທະນາບໍ່ແຮ່ ຈຳກັດຢູ່ເມືອງຄຳເກີດໂດຍການນຳພາທາງຂອງທ່ານ ເພັດສະໄໝ ໄຊຍະທິຈັກ ເຈົ້າເມືອງຄຳເກີດ ມີຂະແໜງການທີ່ກ່ຽວຂ້ອງຂັ້ນແຂວງ,ເມືອງເຂົ້າຮ່ວມຂະບວນ.

ໂຄງການຂຸດຄົ້ນແຮ່ທາດຫີນມາໂບ້ຂອງ ບໍລິສັດ ຈິນໄທເຕີຄຳເກີດມາໂບ້ພັດທະນາບໍ່ແຮ່ ຈຳກັດ ຕັ້ງຢູ່ເຂດບ້ານທົ່ງວຽງຄໍາ ຂອງເມືອງຄໍາເກີດ ມີເນື້ອທີສຳປະທານ 4 ເຮັກຕາ ຕາມບົດບັນທຶກສັນຍາແຕ່ວັນທີ 1 ກຸມພາ 2021 ໃນນັ້ນໄລຍະຊອກຄົ້ນແມ່ນ 3 ເດືອນ, ສໍາຫຼວດ 3 ເດືອນ ແລະ ໄລຍະສຶກສາຄວາມເປັນໄປໄດ້ທາງດ້ານເສດຖະກິດແມ່ນ 6 ເດືອນ.ສະພາບພື້ນທີ່ໂຄງການແມ່ນເປັນດິນລວມບ້ານ, ປ່າຊົມໃຊ້, ປ່າສະຫງວນຂອງແຂວງ ແລະ ຕິດພັນກັບເຂດຍຸດທະສາດຂອງກະຊວງປ້ອງກັນປະເທດ,ເນື້ອທີ່ເຂດສ້າງຫ້ອງການ ແລະ ເຮືອນພັກພະນັກງານ ຈໍານວນ 5 ເຮັກຕາ, ເຂດກໍ່ສ້າງໂຮງງານ ແລະ ລານສະຕ໋ອກຫີນ ຈຳນວນ 10 ເຮັກຕາ, ສ່ວນທີ່ເຫຼື່ອຈໍານວນ 34 ເຮັກຕາ ແມ່ນເປັນເຂດຮັກສາຄວາມປອດໄພຈາກການຊອກຄົ້ນ ແລະ ໄດ້ຊົດເຊີຍເພີ່ມເຕີມ ລວມເປັນ 69 ເຮັກຕາ,ປະຈຸບັນແມ່ນສໍາເລັດວຽກງານປີ່ນອ້ອມດ້ານອໍານວຍຄວາມສະດວກ ແລະ ໄດ້ສົ່ງຕົວຢ່າງຫີນມາໂບ້ໄປທົດລອງເຕັກນິກໂຮງງານ 1 ຄັ້ງ , ຈໍານວນ 19 ກ້ອນ, ນ້ຳໜັກ 287 ໂຕນ.

ມາໃນຕອນເຊົ້າຂອງວັນທີ 21 ມີນາ 2023 ທ່ານ ເຈົ້າແຂວງ ບໍລິຄໍາໄຊ ພ້ອມຄະນະໄດ້ລົງຕິດຕາມການສຳປະທານ ສຳຫຼວດ, ຂຸດຄົ້ນ ແລະ ປຸງແຕ່ງແຮ່ ຄຳເຄົ້າແບບທົດລອງຂອງ ບໍລິສັດ ທ້າຍຊານມິງຈິນມາຍນີ້ງ ຈໍາກັດ ຢູ່ເຂດບ້ານ ວັງຜາ, ວັງກໍໍ່, ທົ່ງ ແຄະ, ນາກະດົກ ແລະ ນາທ່ອນ ເມືອງຄຳເກີດໃນເນື້ອທີ 24,28 ກິໂລຕາແມັດ ເຊີ່ງເປັນໂຄງການຮ່ວມມືຂອງ ບໍລິສັດລັດ 20 ມັງກອນ ພັດທະນາ ກະຊວງປ້ອງກັນປະເທດ ກັບ ບໍລິສັດ ແສງອາລຸນຂຸດຄົ້ນແຮ່-ຫີນອຸດສາຫະກຳ ຈຳກັດ ແລະ ບໍລິສັດ ບໍລິຄຳໄຊ ມາຍນີີ້ງຈຳກັດ ຊຶ່ງໄດ້ຮັບການເຊັນສັນຍາ ສຳປະທານສຳຫຼວດ, ຂຸດຄົ້ນ ແລະ ປຸງແຕ່ງແຮ່ ຄຳເຄົ້າແບບທົດລອງ ກັບ ລັດຖະບານ ແຫ່ງ ສປປ ລາວ ໃນຄັ້ງ ວັນທີ 31 ທັນວາ 2021 ອາຍຸສັນຍາສຳປະທານເບື້ອງຕົ້ນ 3 ປີ, ການສຳຫຼວດ ແລະ ຂຸດຄົ້ນ ດ້ວຍຮູບແບບອຸໂມງ ຂະໜາດ 3 ແມັດ ມີທັງໝົດ 13 ອຸມົງ, ຢຸດເຊົາແລ້ວ 9 ອຸໂມງ, ຍັງດຳເນີນ 4 ອຸໂມງ (ມີຄວາມເລິກປະມານ 800 ກວ່າແມັດຕໍ່ອຸໂມງ), ອຸໂມງຂະໜາດ 1,2-1,5 ແມັດ ມີ 10 ອຸໂມງ, ຢຸດເຊົາແລ້ວ 7 ອຸໂມງ, ຍັງດຳເນີນ 3 ອຸໂມງ, ການຊີເຈາະສຳຫຼວດຈຳນວນ 2 ຮູ, ສຳເລັດແລ້ວ 1 ຮູ ມີຄວາມເລິກ 300 ແມັດ ແລະ ສືບຕໍ່ຊີເຈາະ 1 ຮູ (ເລິກ 111 ແມັດ). ໂຮງງານຜະລິດ ແລະ ປຸງແຕ່ງແຮ່ຄຳ ມີ 2 ໂຮງງານ.

ເພື່ອເຮັດໃຫ້ກິດຈະການ 2 ໂຄງການດຳເນີນໄປຕາມບົດບັນທຶກສັນຍາ, ຕາມນິຕິກຳ ແລະ ສອດຄ່ອງກັບລະບຽບກົດໝາຍທີ່ກ່ຽວຂ້ອງ ທ່ານ ກອງແກ້ວ ໄຊສົງຄາມ ປະທານຄະນະກຳມະການຄຸ້ມຄອງການລົງທຶນຂັ້ນແຂວງ ໄດ້ຊີ້ນຳອຳນາດການປົກຄອງຂັ້ນເມືອງ, ຂະແໜງການທີ່ກ່ຽວຂ້ອງ ຈົ່ງໄດ້ປະສານສົມທົບກັບເຈົ້າຂອງໂຄງການ ເພື່ອແກ້ໄຂບາງຂອດທີ່ເປັນອຸປະສັກຕໍ່ການນດຳເນີນກິດຈະການ, ພ້ອມນັ້ນເຈົ້າຂອງໂຄງການ ຈະຕ້ອງສືບຕໍ່ຈັດຕັ້ງປະຕິບັດໂຄງການຂອງຕົນ ຕາມແຜນການທີ່ກຳນົດໄວ້, ເປັນການປະກອບສ່ວນຍູ້ແຮງແຜນພັດທະນາເສດຖະກິດ – ສັງຄົມຂອງແຂວງ,ທ້ອງຖິ່ນ ກໍຄືຈຸດໂຄງການທີ່ຕັ້ງຢູ່.

ແຫຼ່ງຂ່າວ ປະຊາຊົນ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...