ໃນສົກປີຜ່ານມາ ສະເພາະການຈຳໝ່າຍກະແສໄຟຟ້າອອກຕ່າງປະເທດຂອງລາວແມ່ນມີອັດຕາເພີ່ມຂຶ້ນ 6,62%
ຖ້າທຽບໃສ່ປີກ່ອນ ສ່ວນການນຳເຂົ້າຫຼຸດລົງ 12,37% ຂະນະທີ່ຕົວເລກການຈຳໜ່າຍພາຍໃນເພີ່ມຂຶ້ນເກືອບ 50%.
ອີງຕາມຂໍ້ມູນຈາກກະຊວງພະລັງງານ ແລະ ບໍ່ແຮ່ ໃຫ້ຮູ້ວ່າ: ທັດສະນະຂອງພັກໄດ້ຢຶດໝັ້ນການພັດທະນາ ໂດຍຖື
ເອົາເສດຖະກິດເປັນໃຈກາງ ຍູ້ການເຕີບໂຕດ້ານເສດຖະກິດໃຫ້ ບັນລຸ 88,5% ຕໍ່ປີ ສະເພາະແຜນພັດທະນາເສດ
ຖະກິດສັງຄົມຂອງຂະແໜງພະລັງງານ ແລະ ບໍ່ແຮ່ ສົກປີ 20132014 ໄດ້ມີການກຳນົດຢ່າງຈະແຈ້ງ ແລະ ມີລັກສະ
ນະບຸກທະລຸ, ຊຶ່ງລວມຍອດ ມູນຄ່າການຜະລິດບັນລຸໄດ້ 21,2 ພັນກວ່າຕື້ກີບ ໃນນັ້ນ ຂະແໜງໄຟຟ້າ 5,9 ພັນກວ່າ
ຕື້ກີບ ແລະ ຂະແໜງບໍ່ແຮ່ 15,3 ພັນຕື້ກວ່າກີບ.
ໂດຍການຜະລິດກະແສໄຟຟ້າ (IPP, EDLGEN ແລະ EDL) ຄາດຄະເນປະຕິບັດໄດ້ 15,1 ລ້ານກວ່າກິໂລ ວັດໂມງ
ເພີ່ມຂຶ້ນ 8,03% ແລະ ທຽບ ໃສ່ແຜນການປະຕິບັດໄດ້ລື່ນ 4,5% ໂດຍສາມາດຈຳໜ່າຍ ກະແສໄຟຟ້າໄດ້ 15,8 ພັນ
ລ້ານກວ່າ ກິໂລວັດໂມງ.
ໃນນັ້ນ ໄດ້ຈຳໜ່າຍອອກຕ່າງປະເທດ 11,3 ພັນລ້ານກວ່າກິໂລວັດໂມງ ມູນຄ່າ 535,4 ລ້ານກວ່າໂດລາ ທຽບໃສ່ປີ
ກ່ອນເພີ່ມຂຶ້ນ 6,62% ທຽບໃສ່ແຜນການປີປະຕິບັດລື່ນແຜນ 0,04% ສ່ວນການຈຳໜ່າຍພາຍໃນມີ 4,5 ພັນ
ລ້ານກວ່າກິໂລວັດໂມງ ມູນຄ່າ 345,4 ລ້ານ ກວ່າໂດລາ ເພີ່ມຂຶ້ນ 49,08%.
ແນວໃດກໍຕາມ ເນື່ອງຈາກສາຍສົ່ງກະແສແຮງສູງ ແລະ ກາງ ຍັງບໍ່ທັນເຊື່ອມຈອດທົ່ວປະເທດ ສະນັ້ນ ບາງເຂດ
ຕິດຊາຍແດນໃນສົກປີຜ່ານມາຈິ່ງມີຄວາມຈຳເປັນຕ້ອງໄດ້ຊື້ ໄຟຟ້າຈາກປະເທດອ້ອມຂ້າງເປັນຕົ້ນໄທ, ຫວຽດນາມ
ແລະ ປະເທດຈີນ ໃນຈຳນວນ 1,1 ພັນລ້ານກວ່າກິໂລວັດໂມງ ເປັນມູນຄ່າ 63,21 ລ້ານໂດລາ ຫຼຸດລົງ 12,37% ທຽບ
ໃສ່ປີກ່ອນ ຂະນະທີ່ບໍລິສັດໄຟຟ້າລາວກໍໄດ້ຊື້ຈາກໂຄງການ IPP ເພື່ອຈຳໜ່າຍຢູ່ພາຍໃນປະເທດຈຳນວນ 18 ລ້ານ
ກິໂລວັດໂມງ ມູນຄ່າ 84,40 ລ້ານໂດລາເພີ່ມຂຶ້ນ 28,02%.
ແຫລ່ງຂ່າວ: ເສດຖະກິດ – ສັງຄົມ