ສຳນັກຂ່າວຕ່າງປະເທດລາຍງານ ໃນວັນທີ 27 ພະຈິກນີ້ວ່າ ທ່ານ ຫງວຽນ ຟູ ຈອງ ເລຂາທິການໃຫຍ່ພັກກອມມູ
ນິດຫວຽດນາມ ແລະ ປະທານາທິບໍດີ ວະລາດີເມຍ ປູຕິນ ແຫ່ງຣັດເຊຍ ເຫັນດີຮ່ວມກັນຈະກະຕຸ້ນຄວາມສຳພັນ
ທະວິພາຄີໃນໂຄງການນ້ຳມັນ ແລະ ແກັສ ລະຫວ່າງການຢ້ຽມຢາມຣັດເຊຍ ເມື່ອວັນອັງຄານທີ 25 ພະຈິກຜ່ານມາ.
ຜູ້ນຳຂອງສອງປະເທດໄດ້ພົບປະຫາລືກັນທີ່ເມືອງໂຊຈິ ກ່ຽວກັບການນຳມາດຕະການຕ່າງໆ ເພື່ອມານຳໃຊ້ໃຫ້ເປັນ
ຮູບປະທຳ ໂດຍຕັ້ງເປົ້າໃຫ້ມູນຄ່າການຄ້າຂະຫຍາຍຕົວຢູ່ທີ 7,000 ລ້ານໂດລາ ໃນປີ 2015 ແລະ ເພີ່ມເປັນ 10,000
ລ້ານໂດລາ ໃນປີ 2020.
ທັງສອງຝ່າຍຍັງຈະເລັ່ງການເຈລະຈາກ່ຽວກັບຂໍ້ຕົກລົງການຄ້າເສລີ ລະຫວ່າງຫວຽດນາມ ແລະ ປະເທດໃນສະຫະ
ພາບພາສີຢູເຣເຊຍ ໃນປີ 2015 ພ້ອມທັງຈະຮ່ວມມືໃນໂຄງການສຳຫລວດແຮ່ທາດ, ວິສະວະກຳ ແລະ ພະລັງງານ.