spot_img
Homeຂ່າວພາຍ​ໃນປະທານປະເທດ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງໄຊສົມບູນ

ປະທານປະເທດ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງໄຊສົມບູນ

Published on

ໃນວັນທີ 17 ມີນາ 2023 ຜ່ານມາ, ສະຫາຍ ທອງລຸນ ສີສຸລິດ, ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະ ເທດແຫ່ງ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງໄຊສົມບູນ, ໂດຍໄດ້ຮັບການຕ້ອນຮັບອັນອົບອຸ່ນ ຂອງ ສະຫາຍ ພອຍຄຳ ຮຸ່ງບຸນຍວງ, ເລຂາພັກແຂວງ, ເຈົ້າແຂວງ ໄຊສົມບູນ ພ້ອມດ້ວຍຄະນະນຳຂອງແຂວງ.

ໂອກາດນີ້ ສະຫາຍ ເລຂາທິການໃຫຍ່ ພ້ອມຄະນະ ໄດ້ໄປຢ້ຽມຢາມ ພື້ນຖານເສດຖະກິດ, ວັດທະທະທຳ-ສັງຄົມ ແລະ ພື້ນຖານການຜະລິດກະສິກຳຂອງແຂວງຈຳນວນໜຶ່ງ, ເປັນຕົ້ນ ໄດ້ຢ້ຽມຢາມສວນສະຕໍເບີຣີ ຂອງຄອບຄົວ ທ້າວ ຈໍຊົ້ງ, ປະຊາຊົນຢູ່ບ້ານພູຫົວຊ້າງ ເມືອງອະນຸວົງ, ມີເນື້ອທີ່ທັງໝົດ 2 ເຮັກຕາ, ເຊິ່ງຖືວ່າເປັນໜໍ່ແໜງຂອງການຜະລິດກະສິກຳເປັນສິນຄ້າທີ່ຕິດພັນກັບການທ່ອງທ່ຽວ. ພ້ອມດຽວກັນນີ້ ສະຫາຍ ເລຂາທິການໃຫຍ່ ພ້ອມຄະນະ ຍັງໄດ້ຢ້ຽມຊົມສວນສາທາລະນະຖໍ້າ ເຈົ້າອະນຸວົງ, ເຊິ່ງສະ ຖານທີ່ແຫ່ງນີ້ເປັນບ່ອນທ່ອງທ່ຽວທາງປະຫວັດສາດທີ່ຕິດພັນກັບຮ່ອງຮອຍປະຫວັດສາດທີ່ສຳຄັນຂອງຊາດ, ຫຼັງຈາກນັ້ນ ໄດ້ຢ້ຽມຢາມ ຫໍຫຼັກເມືອງ ແລະ ຕະຫຼາດໄຊສົມບູນ. ໂອກາດດຽວກັນນີ້, ສະຫາຍ ເລຂາທິການໃຫຍ່ ພ້ອມຄະນະ ຍັງໄດ້ຂຶ້ນຢ້ຽມຊົມຈອມພູເບ້ຍ ຊຶ່ງເປັນຈອມພູທີ່ສູງທີ່ສຸດຂອງປະເທດລາວ, ມີຄວາມສູງ 2.820 ແມັດ ຈາກລະດັບໜ້ານໍ້າທະເລ, ໂດຍໄດ້ຮັບຂະໜານນາມວ່າເປັນ “ຫຼັງຄາຂອງປະເທດລາວ”, ມີລະບົບຊີວະນາໆພັນອຸດົມສົມບູນ ແລະ ທິວທັດທຳມະຊາດທີ່ສວຍງາມ ເຊິ່ງກຳລັງໄດ້ຮັບການພັດທະນາໃຫ້ເປັນແຫຼ່ງທ່ອງ ທ່ຽວທາງທຳມະຊາດທີ່ສຳຄັນຂອງແຂວງ.


ໃນໂອກາດນີ້, ສະຫາຍ ເລຂາທິການໃຫຍ່ ໄດ້ພົບປະເຮັດວຽກກັບຄະນະປະຈຳພັກແຂວງ ໄຊສົມບູນ, ເຊິ່ງໄດ້ຮັບຟັງການ ລາຍງານ ຂອງ ສະຫາຍ ພອຍຄຳ ຮຸ່ງບຸນຍວງ, ເລຂາພັກແຂວງ, ເຈົ້າແຂວງ ໄຊສົມບູນ ກ່ຽວກັບສະພາບຮອບດ້ານຂອງແຂວງ ແລະ ໄດ້ມີຄຳເຫັນຊີ້ນຳຈຳນວນໜຶ່ງຕໍ່ຄະນະປະຈຳພັກແຂວງ, ໂດຍໄດ້ ສະແດງຄວາມຊົມເຊີຍຕໍ່ແຂວງໄຊສົມບູນ ທີ່ໄດ້ມີການພັດທະນາ ແລະ ມີໂສມໜ້າໃໝ່, ພ້ອມກັນນັ້ນກໍ່ໄດ້ເນັ້ນໜັກໃຫ້ສືບຕໍ່ຮັກສາມູນເຊື້້ອຄວາມສາມັກຄີເປັນເອກະ ພາບ ແລະ ຄວາມເປັນແບບຢ່າງນຳໜ້າຂອງຄະນະພັກ, ເອົາໃຈໃສ່ລົງເລິກວຽກ ງານກໍ່ສ້າງພັກ-ພະນັກງານ, ວຽກງານປ້ອງກັນຊາດ-ປ້ອງກັນຄວາມສະຫງົບ, ການຈັດຕັ້ງປະຕິບັດສອງວາລະແຫ່ງ ຊາດ, ວຽກງານກໍ່ສ້າງຮາກຖານການເມືອງ ຕິດພັນກັບການພັດທະນາຊົນ ນະບົດ ແລະ ລຶບລ້າງຄວາມທຸກຍາກຂອງປະຊາຊົນ, ສົ່ງເສີມການຜະລິດກະສິກຳເປັນສິນຄ້າຂອງປະຊາຊົນໃຫ້ມີໜໍ່ແໜງໃໝ່, ຂຸດຄົ້ນບັນດາທ່າແຮງຂອງແຂວງ ຕິດພັນກັບການຄຸ້ມຄອງ, ນຳໃຊ້ຊັບພະ ຍາກອນຢ່າງມີປະສິດທິພາບຕາມທິດຍືນຍົງ ທັງນີ້ເພື່ອເຮັດໃຫ້ ແຂວງໄຊສົມບູນສືບຕໍ່ມີການພັດທະນາ ແລະ ເຂັ້ມແຂງຢ່າງບໍ່ຢຸດຢັ້ງ.

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...