ຕຳຫຼວດຍີ່ປຸ່ນໄດ້ເປີດເຜີຍວ່າ ມີກຸ່ມໄວລຸ້ນ 3 ຄົນທີ່ຖ່າຍວິດີໂອ ດ້ວຍການກະທຳທີ່ບໍ່ເໝາະສົມໃນຮ້ານຊູຊິສາຍພານ ທັງບ້ວນນ້ຳລາຍໃສ່ຊູຊິ ແລະ ເລຍແກ້ວໃສ່ແຈ່ວ.
ຈາກສຽງວິພາກວິຈານໃນສັງຄົມອອນລາຍເລື່ອງການຖ່າຍວິດີໂອທີ່ບໍ່ສ້າງສັນເລີຍ ແລະ ຫຼາຍຄົນປະນາມວ່າເປັນການ “ກໍ່ການຮ້າຍຊູຊິ”.
ພຶດຕິກຳຂອງຄົນເຫຼົ່ານີ້ມີທັງການເອົານ້ຳລາຍຕ້ອຍໃສ່ເທິງຊູຊິ ເລຍ ຫຼື ດື່ມໂຊຢຸ(ສະອິວຍີ່ປຸ່ນ)ໂດຍກົງ ບາງຄົນຊີດແອວກໍຮໍເທິງຈານຊູຊິທີ່ກຳລັງເລື່ອນເທິງສາຍພານ ເຊິ່ງມັນສ້າງຄວາມບໍ່ພໍໃຈບໍ່ຜູ້ທີ່ຮັບຊົມວິດີໂອນີ້ ຈົນຫຼາຍຄົນບໍ່ກ້າເຂົ້າຮ້ານຊູຊິສາຍພານ.
ຈາກວິດີໂອເຫຼົ່ານີ້ ເຮັດໃຫ້ເຈົ້າຂອງຮ້ານຕ້ອງໄປແຈ້ງກັບຕຳຫຼວດ ເພື່ອດຳເນີນຄະດີກັບຜູ້ທີ່ເຮັດໃຫ້ບໍລິສັດ ຫຼື ຮ້ານເສຍຫາຍ.
ຫຼ້າສຸດ ເຈົ້າໜ້າທີ່ຕຳຫຼວດໄດ້ເປີດເຜີຍວ່າ ສາມາດຈັບກຸຸ່ມໄວລຸ້ນ 3 ຄົນນີ້ໄດ້ແລ້ວ ຈາກແຂວງໄອຈິ ປະເທດຍີ່ປຸ່ນ ຖານກະທຳທີ່ຂັດຂວາງການດຳເນີນທຸລະກິດຂອງຮ້ານ ຄູຣະ ຊູຊິ ທີ່ມີຫຼາຍກວ່າ 500 ສາຂາໃນປະເທດ ເຊິ່ງທາງບໍລິສັດໄດ້ຖືກຜູ້ບໍລິໂພກຮ້ອງຮຽນຢ່າງໜັກ.
ຜູ້ຖືກສົງໄສທີ່ຈັບໄດ້ມີໄວລຸ້ນ 2 ຄົນທີ່ຫາກໍຈັບໄດ້ວັນທີ 8 ມີນາ ແລະ ອີກ 1 ຄົນແມ່ນຈັບໄດ້ເດືອນແລ້ວນີ້.
ແຫຼ່ງຂ່າວ cnn