ເຈົ້າໜ້າທີ່ ປກສ ເມືອງໄຊເສດຖາ ນະຄອນຫລວງວຽງຈັນ ໃຫ້ຮູ້ວ່າ:ພາຍຫລັງ ໄດ້ຮັບລາຍງານຈາກພົນລະເມືອງດີ

ວ່າມີໄວລຸ້ນກຸ່ມໜຶ່ງ ອາໄສຢູ່ເຂດບ້ານຊຳເຄ້ ເມືອງໄຊເສດຖາ ເຄື່ອນໄຫວຜິດປົກກະຕິ, ຈຶ່ງຈັດກຳລັງລົງຕິດຕາມ

ແລະ ຮູ້ວ່າ ໄວໜຸ່ມກຸ່ມດັ່ງກ່າວແມ່ນຂະບວນການປຸ້ນຊັບຕົວອັນຕະລາຍ, ຈຶ່ງໄດ້ຈັບຕົວມາດຳເນີນຄະດີຕາມກົດ

ໝາຍ, ມີຜູ້ຕ້ອງຫາຄື ທ້າວ ສົມສະໜຸກ (ຕານ້ອຍ) ອາຍຸ 27 ປີ, ທ້າວ ສຸດທານີ (ຈອນນີ) ອາຍຸ 28 ປີ ຢູ່ບ້ານສີສັງ

ວອນ, ທ້າວ ວິລະກອນ ອາຍຸ 19 ປີ, ນາງ ພອນປະ ສົງ ອາຍຸ 19 ປີ ຢູ່ບ້ານທາດຫລວງກາງ ແລະ ນາງ ໂບ ອາຍຸ 19 ປີ

ຢູ່ບ້ານໂພນທອງ ເມືອງ ໄຊເສດຖາ ແລະ ກວດຄົ້ນເຮືອນພົບຢາບ້າ 345 ເມັດ, ລົດຈັກ 5 ຄັນ, ສີ້ນສ່ວນອາໄຫລລົດ

ຈັກຫລາຍປະເພດ, ປືນໜຶ່ງກະບອກ, ພ້ອມກະສູນຈຳນວນໜຶ່ງ, ເຄື່ອງຊ໋ອດໄຟຟ້າ, ງ້າວ, ຄອມພິວເຕີໂນດບຸກ,

ອຸປະກອນເສບຢາເສບຕິດ, ໂທລະສັບ ແລະ ເງິນຈຳນວນໜຶ່ງ, ເຊິ່ງຄາດວ່າໄດ້ຈາກການປຸ້ນຊັບຂອງພົນລະເມືອງ,

ເຈົ້າໜ້າທີ່ຈຶ່ງໄດ້ຍຶດໄວ້ເປັນຫລັກຖານໃນການດຳເນີນຄະດີຕາມກົດໝາຍ.

ຂ່າວໃຫ້ຮູ້ອີກວ່າ: ເມື່ອບໍ່ດົນມານີ້, ສານນະຄອນຫລວງວຽງຈັນໄດ້ຕັດສີນລົງໂທດທ້າວ ໄຊຍະສິດ ອາຍຸ 24 ປີຢູ່ບ້ານ

ດົງຄຳຊ້າງ ເມືອງຫາດຊາຍຟອງ ຈຳຄຸກເປັນເວລາ 4 ປີເຄິ່ງ, ພ້ອມປັບໃໝ 4 ລ້ານກີບ, ທ້າວ ຍຸດທະກອນ ອາຍຸ 24

ປີ ຢູ່ບ້ານໂພນສີນວນ ເມືອງສີສັດຕະນາກ ຈຳຄຸກ 3 ປີເຄິ່ງພ້ອມປັບໃໝ 5 ລ້ານ ກີບ, ທ້າວ ອິນທະພອນ ອາຍຸ 26 ປີ

ຢູ່ບ້ານໂພນສີນວນ, ເມືອງສີສັດຕະນາກຈຳຄຸກ 2 ປີເຄິ່ງພ້ອມ ປັບໃໝ 2,8 ລ້ານກີບ, ທ້າວ ທະນູເພັດ ອາຍຸ 27 ປີ

ພັກເຊົາຢູ່ ບ້ານສະພານທອງ ເມືອງສີສັດຕະນາກ ຈຳຄຸກ 3 ປີ 9 ເດືອນພ້ອມ ໃໝ 5​ ລ້ານກີບ, ທ້າວ ພູວົງ ອາຍຸ 38

ປີຢູ່ບ້ານສະພັງມຶກ ເມືອງໄຊທານີ ແລະ ທ້າວ ພອນທະວີ ໄຊ ອາຍຸ 21 ປີ ຢູ່ບ້ານໂພນທັນ, ເມືອງສີສັດຕະນາກຈຳຄຸກ

ຜູ້ລະໜຶ່ງປີ ແລະ ປັບໃໝ 3 ລ້ານ ກີບ, ໃນຂໍ້ຫາລັກຊັບພົນລະເມືອງ. ໂດຍພວກເຂົາໄດ້ຮ່ວມກັນເຄື່ອນໄຫວລັກລົດ

ຈັກ, ລັກຄອມພິວເຕີໂນດບຸກ, ໂທລະສັບ ແລະ ຊັບສິນ ອື່ນໆຢູ່ຕາມສະຖານທີ່ສາທາລະນະ, ງັດແງະເຮືອນຊານ ແລະ

ຫ້ອງແຖວເຊົ່າໃນຕົວເມືອງຫລາຍຄັ້ງ ກ່ອນຈະຖືກເຈົ້າໜ້າທີ່ຈັບຕົວມາດຳເນີນຄະດີໄດ້ເມື່ອທ້າຍປີ 2013 ຜ່ານມາ.

ແຫລ່ງຂ່າວ: ລາວພັດທະນາ