ໃນຕອນເຊົ້າຂອງວັນທີ 5 ມີນາ 2023 ທີ່ເດີນກິລາເມືອງປາກລາຍ ໄດ້ມີພິທີເປີດງານເທດສະການບຸນຜີໂຂນ ປະຈຳປີ 2023 ຂຶ້ນຢ່າງເປັນທາງການ, ໃຫ້ກຽດເຂົ້າຮ່ວມໂດຍທ່ານ ພົງສະຫວັນ ສິດທະວົງ ກໍາມະການສູນກາງພັກ ເລຂາພັກແຂວງ ເຈົ້າແຂວງໄຊຍະບູລີ, ທ່ານ ກອງສີ ວົງສີ ເຈົ້າເມືອງ ເມືອງປາກລາຍ ພ້ອມບັນດາພາກສ່ວນທີ່ກ່ຽວຂ້ອງຈົນໄປເຖິງພໍ່ແມ່ປະຊາຊົນແຕ່ລະບ້ານພາຍໃນເມືອງປາກລາຍ.
ບຸນຜີໂຂນ ຖືໄດ້ວ່າເປັນອີກໜຶ່ງງານເທດສະການທີ່ໃຫຍ່ໃນແຂວງໄຊຍະບູລີ ເຊິ່ງປີນີ້ຈັດຂຶ້ນລະຫວ່າງວັນທີ 2-6 ມີນາ 2023.
ການຈັດບຸນຜີໂຂນກໍເພື່ອສືບທອດຮີດຄອງປະເພນີ ແລະວັດທະນາທຳອັນດີງາມ ບໍ່ໃຫ້ຫາຍໄປກັບການເວລາ ແລະກໍເພື່ອສ້າງຄວາມສາມັກຄີຂອງພໍ່ແມ່ປະຊາຊົນໃນບ້ານເມືອງ ໃຫ້ຮູ້ຈັກຊ່ວຍເຫຼືອເຊິ່ງກັນ ແລະກັນ, ເປັນມິດທີ່ດີຕໍ່ກັນ.
.
ຂ່າວ ແລະ ພາບ: ທີມງານລາວໂພສ