ອີງຕາມສຳນັກຂ່າວ Amarin News ລາຍງານວ່າ: ເກີດເຫດຄາດຕະກຳນາງແບບສາວຮ່ອງກົງ ຊື່ວ່າ ແອັບປີ້ ຊອຍ ນາງແບບສາວຊື່ດັງ ອາຍຸ 28 ປີ ທີ່ຫາຍຕົວໄປຕັ້ງແຕ່ວັນທີ 21 ກຸມພາ 2023, ຈົນ​ຮອດ​ວັນທີ 24 ກຸມພາ 2023 ຕຳຫຼວດ​ໄດ້​ພົບ​ເຫັນ​ນາງ​ຖືກ​ຄາດ​ຕະກຳ ມີອະໄວຍະວະຖືກຕັດອອກເປັນຕ່ອນໆ ຂາຂອງນາງຖືກແຊ່ແຂງຢູ່ໃນຕູ້ເຢັນຂອງບ້ານຄອບຄົວຂອງອະດີດສາມີຂອງນາງ, ນອກນັ້ນຍັງມີຊີ້ນສ່ວນໜຶ່ງຢູ່ໃນໝໍ້ແກງ ແຕ່ຮ່າງກາຍ, ຫົວ, ລຳຕົວ, ແຂນ, ແລະ ມືຂອງ ແອັບປີ້ ຍັງບໍ່ທັນພົບເຫັນເທື່ອ, ຂະນະ​ນີ້ ຕຳຫຼວດ​ໄດ້​ຈັບ​ຕົວ​ຜູ້​ຕ້ອງ​ສົງ​ໄສ​ຄື: ພໍ່ ​ແມ່ ​ແລະ ອ້າຍ​ຂອງ​ອະດີດ​ສາມີ​ຂອງ​ນາງ.

ມື້ວານມີແຫຼ່ງຂ່າວເປີດເຜີຍກັບສື່ໃຫຍ່ຂອງຣ່ອງກົງ South China Morning Post ວ່າ: ອະດີດສາມີໄດ້ຖືກຈັບແລ້ວ
ແຫຼ່ງຂ່າວກ່າວວ່າ ອະດີດສາມີຂອງ ແອັບປີ້ ຖືກຈັບໄດ້ຢູ່ເຂດ ຕຸ່ງຈຸງ ເວລາປະມານ 13:00 ໂມງ ຕາມເວລາທ້ອງຖິ່ນ 12:00 ໂມງ ຕາມເວລາທີ່ບ້ານເຮົາ.

ມັນເປັນໄປໄດ້ທີ່ລາວກໍາລັງລໍຖ້າເຮືອເພື່ອຫລົບຫນີອອກຈາກເມືອງຢ່າງຜິດກົດຫມາຍ, ແຫຼ່ງຂ່າວກ່າວຕື່ມວ່າ: ການຄາດຕະກໍາດັ່ງກ່າວເຊື່ອວ່າເປັນສາເຫດມາຈາກຄວາມຂັດແຍ່ງລະຫວ່າງ ແອັບປີ້ ກັບອະດີດສາມີ ແລະ ຄອບຄົວຂອງອະດີດສາມີ ກ່ຽວກັບອະສັງຫາລິມະສັບປະມານຫຼາຍສິບລ້ານໂດລາຮ່ອງກົງໃນ Kadoorie Hill. ແຫຼ່ງຂ່າວຍັງກ່າວອີກວ່າອະດີດພໍ່ເຖົ້າຂອງ ແອັບປີ້ ຜູ້​ບັນຊາ​ການ​ຢູ່​ເບື້ອງ​ຫລັງ​ການ​ຄາດ​ຕະກຳ.

ທັງນີ້, ຕຳຫຼວດ​ຍັງ​ພະຍາຍາມ​ຊອກ​ຫາ​ຊາກ​ສົບ​ຂອງ Abby. ຊິ້ນສ່ວນຂອງຫົວ, ລຳຕົວ ແລະ ແຂນ ຄາດວ່າຖືກປະຖິ້ມໄວ້ຢູ່ບໍລິເວນອ່າງເກັບນ້ຳຂອງສຸສານ ເຊືອງກວານໂອ, ແລະ ເຈົ້າໜ້າທີ່ຕຳຫຼວດໄດ້ເລີ່ມຄົ້ນຫາ ແຕ່ຍັງບໍ່ທັນພົບເຫັນ.