ອົງການອະນາໄມໂລກຕອບສະໜອງຕໍ່ການເສຍຊີວິດຂອງເດັກນ້ອຍ ອາຍຸ 11 ປີ ໃນກຳປູເຈຍ ທີ່ເປັນໄຂ້ຫວັດນົກ ວ່າ ການແຜ່ລະບາດໄວຣັສໃນທົ່ວໂລກເປັນສິ່ງທີ່ໜ້າກັງວົນ.
ດຣ. ຊິວວີ ໄບຣອັນ ຜູ້ອຳນວຍການຝ່າຍການກຽມພ້ອມ ແລະ ການປ້ອງກັນການແຜ່ລະບາດຂອງພະຍາດ ຂອງອົງການອະນາໄມໂລກ ກ່າວວ່າ ໜ່ວຍງານຂອງສະຫະປະຊາຊາດກຳລັງເຝົ້າເບິ່ງກັບກຳປູເຈຍ ເພື່ອທຳຄວາມເຂົ້າໃຈຕື່ມກ່ຽວກັບການລະບາດ.
ສະຖານະການທົ່ວໂລກ ກ່ຽວກັບໄຂ້ຫວັດນົກວ່າ ເປັນຕາກັງວົນຫຼາຍ ເນື່ອງຈາກໄວຣັສແຜ່ລະບາດເປັນວົງກວ້າງໃນນົກທົ່ວໂລກ ແລະ ມີລາຍງານການຕິດເຊື້ອໃນສັດລ້ຽງລູກດ້ວຍນ້ຳນົມ ລວມເຖິງຄົນເຮົາ.
ໂດຍທາງອົງການອະນາໄມໂລກຕະໜັກເຖິງຄວາມສ່ຽງຈາກໄວຣັສນີ້ ແລະ ຮຽກຮ້ອງໃຫ້ທຸກປະເທດເພີ່ມຄວາມລະມັດລະວັງ.
ເດັກນ້ອຍ ເພດຍິງ ຢູ່ທາງພາກຕາເວັນອອກສຽງໃຕ້ຂອງກຳປູເຈຍ ເສຍຊີວິດໃນວັນພຸດ ທີ 22 ກຸມພາ ທີ່ຜ່ານມາ ພາຍຫຼັງຜົນກວດຢືນຢັນວ່າເຊື້ອໄຂ້ຫວັດນົກສາຍພັນ H5N1 ຕາມການລະບຸຂອງກະຊວງສາທາລະນະສຸກກຳປູເຈຍ ເຊິ່ງເດັກນ້ອຍໄດ້ບໍ່ສະບາຍຕັ້ງແຕ່ວັນທີ 16 ກຸມພາ ແລະ ອາການຍິ່ງຊຸດໂຊມລົງ ເດັກຖືກສົ່ງໄປໂຮງໝໍດ້ວຍອາການໄຂ້ສູງ 39 ອົງສາ ພ້ອມກັບອາການໄອ ແລະ ເຈັບຄໍ.
ພໍ່ຂອງເດັກນ້ອຍກໍກວດພົບເຊື້ອເຊັ່ນກັນ ແຕ່ຍັງບໍ່ສະແດງອາການໃດໆ.
ໄຂ້ຫວັດນົກສາມາດແຜ່ກະຈາຍຈາກສັດປີກ ສູ່ສັດປີກດ້ວຍກັນ ແລະ ສາມາດແຜ່ກະຈາຍໄປສູ່ຄັນໄດ້ ແລະ ຈາກການກວດພົບເຊື້ອໃນສັດລ້ຽງລູກດ້ວຍນ້ຳນົມຫຼາຍຊະນິດ ໄວຣັສສາມາດແຜ່ກະຈາຍຈາກຄົນສູ່ຄົນໄດ້ງ່າຍ ແລະ ອາດກໍ່ໃຫ້ເກີດການລະບາດຄັ້ງໃຫຍ່.
ແຫຼ່ງຂ່າວ Reuters