ສຳນັກຂ່າວຕ່າງປະເທດລາຍງານ ໃນວັນທີ 25 ພະຈິກນີ້ວ່າ ເກີດນ້ຳຖ້ວມໃນປະເທດໂມຣັອກໂກ ຫລັງຈາກຝົນຕົກ
ໜັກເປັນເວລາຫລາຍມື້ ມີຜູ້ເສຍຊີວິແລ້ວ 32 ຄົນ ບ້ານເຮືອນເສຍຫາຍ 100 ກ່ວາຫລັງ.
ໄພພິບັດດັ່ງກ່າວເກີດຂຶ້ນໃນເມືອງມາຣາເກດ ຝົນຕົກໜັກຕໍ່ເນື່ອງກັນຫລາຍມື້ ໄດ້ເຮັດໃຫ້ລະດັບນ້ຳໃນແມ່ນ້ຳແທມ
ຊອດເພີ່ມສູງຂຶ້ນເລື້ອຍໆ ກ່ອນທີ່ຈະໄຫລເຂົ້າຖ້ວມບ້ານເຮືອນຂອງປະຊາຊົນ ເຊິ່ງເປັນເຮືອນທີ່ກໍ່ດ້ວຍດິນຈີ່ ແລະ ດິນ
ໜຽວ ເສຍຫາຍບໍ່ຕ່ຳກ່ວາ 100 ຫລັງ, ຖະໜົນ 6 ເສັ້ນຖືກກະແສນ້ຳກັດເຊາະຂາດ ເຊິ່ງທາງການໄດ້ເລັ່ງສົ່ງເຈົາໜ້າທີ່
ກູ້ໄພຫລາຍຄົນເຂົ້າຊ່ວຍເຫລືອປະຊາຊົນໃນພື້ນທີ່ໄພພິບັດແລ້ວ.
ຈາກການລົງພື້ນທີ່ຊ່ວຍເຫລືອພົບວ່າ ປະຊາຊົນປະມານ 200 ຄົນ ຢູ່ໃນອັນຕະລາຍ ທາງການຈິ່ງທະຍອຍເຂົ້າໃຫ້ການ
ຊ່ວຍເຫລືອຢ່າງຮີບດ່ວນ ໂດຍໃຊ້ຍົນເຮລິຄັອບເຕີ້ຫລາຍລຳເຂົ້າໃນປະຕິບັດການ.
ຢ່າງໃດກໍຕາມ ມີລາຍງານຜູ້ເສຍຊີວິດຈາກເຫດການດັ່ງກ່າວນີ້ແລ້ວ 32 ຄົນ ແລະ ຄາດວ່າຕົວເລກອາດຈະເພີ່ມຂຶ້ນ
ອີກ ເພາະສະຖານະການນ້ຳຖ້ວມຂ້ອນຂ້າງຮຸນແຮງຫລາຍ.
