spot_img
Homeຂ່າວພາຍ​ໃນບຣາຊິນປະເຊີນກັບພາຍຸ ເຮັດໃຫ້ນ້ຳຖ້ວມ-ດິນຖະຫຼົ່ມ ເສຍຊີວິດເກືອບ 40 ຄົນ

ບຣາຊິນປະເຊີນກັບພາຍຸ ເຮັດໃຫ້ນ້ຳຖ້ວມ-ດິນຖະຫຼົ່ມ ເສຍຊີວິດເກືອບ 40 ຄົນ

Published on

ທີ່ບໍລິເວນແຄມຝັ່ງທາງຕາເວັນອອກຂອງປະເທດບຣາຊິນ ປະເຊີນກັບພາຍຸ ເຮັດໃຫ້ນ້ຳຖ້ວມ ແລະ ດິນຖະຫຼົ່ມ ມີຜູ້ເສຍຊີວິດເກືອບ 40 ຄົນ ປະຊາຊົນຫຼາຍກວ່າ 2.000 ຄົນບໍ່ມີບ່ອນອາໄສ ແລະ ປະຊາຊົນຈຳນວນຫຼາຍຍັງສູນຫາຍ.

ໃນວັນທີ 20 ກຸມພາ 2023 ເຈົ້າໜ້າທີ່ກູ້ໄພຍັງເຮັດວຽກຢ່າງໜັກເພື່ອຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກພາຍຸ ຝົນຕົກໜັກ ເຮັດໃຫ້ດິນຖະຫຼົ່ມລົງມາຈາກພູເຂົາ ເຂົ້າຖ້ວມບ້ານເຮືອນຂອງປະຊາຊົນຂອງປະເທດບຣາຊິນ ເຮັດໃຫ້ປະຊາຊົນຕ່າງໜີອົບພະຍົບຂຶ້ນໄປຢູ່ບ່ອນສູງ.

A tree has been ripped out of the ground from rain.

ໂດຍລາຍງານໄດ້ລະບຸວ່າ ມີຄົນເສຍຊີວິດແລ້ວ 39 ຄົນ ມີຜູ້ສູນຫາຍຫຼາຍກວ່າ 10 ຄົນ ເຈົ້າໜ້າທີ່ກູ້ໄພກໍພະຍາຍາມທີ່ຈະຊ່ວຍປະຊາຊົນທີ່ຕິດຢູ່ໃນເຮືອນທີ່ຖືກດິນຖະຫຼົ່ມທັບອອກມາ ນອກນີ້ກໍຍັງມີປະຊາຊົນອີກ 2.000 ຄົນຕ້ອງບໍ່ມີບ່ອນອາໄສ ມີເຮືອນຖືກນ້ຳພັດພັງໄປ 50 ກວ່າຫຼັງ ເຂດທີ່ໄດ້ຮັບຄວາມເສຍຫາຍຫຼາຍສຸດແມ່ນເມືອງເຊົາ ເຊບາສຕຽນ ແລະ ອູຕູບາ ໃນລັດເຊົາ ເປົາໂລ.

ທາງດ້ານບຣາຊິນໄດ້ລາຍງານວ່າ ຝົນໄດ້ຕົກໝັກຫຼາຍກວ່າປົກກະຕິເຖິງ 2 ເທົ່າຂອງຊ່ວງເດືອນນີ້ຂອງປີກາຍ.

ກົມອຸຕຸນິຍົມວິທະຍາຂອງບຣາຊິນລາຍງານວ່າ ຈະມີຝົນຕົກໜັກຢ່າງຕໍ່ເນື່ອງໃນອາທິດນີ້ ແລະ ຕ້ອງຍົກເລີກເທສະການ ຫຼື ງານຕ່າງໆປະຈຳທ້ອງຖິ່ນ ແລະ ຫຼາຍເມືອງຕາມແຄມຝັ່ງ.

Aftermath of rain

 

ແຫຼ່ງຂ່າວ ABC Australia 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...