ວັນທີ 17 ກຸມພາ 2023 ທາງທີມງານອາຫານ ແລະ ຢາ ແຂວງ ຫຼວງພະບາງ ໄດ້ລົງຕິດຕາມຊຸກຍູ້ຜູ້ປະກອບການຊາວຄ້າຂາຍຕາມຕະຫຼາດໃນເທສະບານແຂວງ ເພື່ອກັດກັ້ນການຄ້າຂາຍເຖື່ອນ-ຄ້າຂາຍນອກລະບົບທຸກຮູບແບບ, ການຂາຍ ແລະ ສະໜອງອາຫານໃຫ້ແກ່ສັງຄົມບໍ່ມີຄວາມປອດໄພ, ບໍ່ໄດ້ມາດຕະຖານ, ເຈືອປົນ, ປົນເປື້ອນສານເຄມີ ຫຼື ໝົດອາຍຸການບໍລິໂພກ. ແຕ່ສາມາດກວດພົບສານເຄມາຟໍມາລິນ (ນໍ້າຢາດອງຊາກສົບ) ທີ່ປົນເປື້ອນຢູ່ໃນອາຫານທະເລສົດບາງປະເພດ.
ການກິນອາຫານທີ່ມີສ່ວນປະສົມຂອງສານເຄມີຟໍມາລິນ ຈະສົ່ງຜົນເສຍຕໍ່ຮ່າງກາຍ ແມ່ນຂຶ້ນກັບປະລິມານຂອງມັນ ເຊິ່ງເມື່ອເຮົາສູດດົມເອົາກໍຈະມີອາການແສບຄໍ ມີອາການຜິດປົກກະຕິຕໍ່ລະບົບທາງເດີນຫາຍໃຈ ບາງຄົນເມື່ອກິນເຂົ້າໄປຈົນຫາກ ເສຍເລືອດຫຼາຍເຖິງຂັ້ນເສຍຊີວິດ ເພາະທໍ່ອາຫານເກີດການໄໝ້ຈາກສານເຄມີຟໍມາລິນທີ່ເປັນກົດ.
ດັ່ງນັ້ນ ຈຶ່ງມາເຕືອນໃຫ້ພໍ່ ແມ່ ປະຊາຊົນ ໃຫ້ເລືອກຊື້ອາຫານທີ່ໄດ້ຄຸນະພາບ ແລະ ບໍ່ເລືອກກິນອາຫານທະເລທີ່ແຊ່ສານເຄມີຟໍມາລິນ.
ຂ່າວຈາກ Soudaphone Sibounheuang