Homeຂ່າວພາຍ​ໃນພິທີທຳລາຍສິນຄ້າປະເພດເກືອດຫ້າມ ຢາສູບໄຟຟ້າ, ໝາກກະໂພກ ແລະ ບັ້ງພຸ

ພິທີທຳລາຍສິນຄ້າປະເພດເກືອດຫ້າມ ຢາສູບໄຟຟ້າ, ໝາກກະໂພກ ແລະ ບັ້ງພຸ

Published on

ວັນທີ 08 ກຸມພາ 2023, ພະແນກຕໍາຫຼວດສິ່ງແວດລ້ອມ ຫ້ອງຕໍາຫຼວດ ປກສ ນວ ສົມທົບກັບພະແນກອຸດສາຫະກໍາ ແລະການຄ້າ, ພະແນກສາທາລະນະສຸກ ນວ ໄດ້ຈັດພິທີທຳລາຍສິນຄ້າປະເພດເກືອດຫ້າມ ມີຢາສູບໄຟຟ້າ 1.275 ອັນ, ໝາກກະໂພກ ແລະ ບັ້ງພຸ ລວມມີ 250 ກິໂລກຣາມ.

ໃນພິທີດັ່ງກ່າວ ພັຕ ອານຸສອນ ວົງພະຈັນ ຮອງຫົວໜ້າພະແນກຕຳຫຼວດສິ່ງແວດລ້ອມ ປກສ ນວ ໃຫ້ຮູ້ວ່າ: ໂດຍປະຕິບັດຕາມກົດໝາຍວ່າດ້ວຍ ການຄວບຄຸມຢາສູບ ເລກທີ 09/ສພຊ, ລົງວັນທີ 16 ພະຈິກ 2021; ດໍາລັດ ເລກທີ 52/ລບ, ລົງວັນທີ 21 ກຸມພາ 2019 ຂອງນາຍົກລັດຖະມົນຕີ; ແຈ້ງການເລກທີ 01/ຈນວ, ລົງວັນທີ 16 ມັງກອນ 2023 ຂອງເຈົ້າຄອງນະຄອນຫຼວງວຽງຈັນ ກ່ຽວກັບຫ້າມຜະລິດ, ນໍາເຂົ້າ, ຊື້-ຂາຍ, ມີໄວ້ຄອບຄອງ, ໝາກກະໂພກ, ບັ້ງໄຟພຸ.

ດັ່ງນັ້ນ ວັນທີ 20 ມັງກອນ 2023 ເຈົ້າໜ້າທີ່ພະແນກຕຳຫຼວດສິ່ງແວດລ້ອມ ປກສ ນວ ໄດ້ລົງກວດກາຮ້ານຂາຍເຄື່ອງທົ່ວໄປຢູ່ຕະຫຼາດຄໍາສະຫວາດພົບເຫັນໝາກກະໂພກ, ບັ້ງພຸ ລວມນໍ້າໜັກ 233 ກິໂລກຣາມ ແລະ ລົງກວດກາຮ້ານຂາຍເຄື່ອງຢູ່ເຂດບ້ານນາຄໍາ ເມືອງສີໂຄດຕະບອງ ພົບເຫັນໝາກກະໂພກ, ບັ້ງພຸ ລວມນໍ້າໜັກ 27 ກິໂລກຣາມ ແລະ ມາຮອດວັນທີ 24 ມັງກອນ 2023, ເຈົ້າໜ້າທີ່ພະແນກຕຳຫຼວດສິ່ງແວດລ້ອມ ປກສ ນວ ໄດ້ລົງຕິດຕາມກວດກາ ຢູ່ສູນການຄ້າແຫ່ງໜຶ່ງ ເມືອງສີສັດຕະນາກ ພົບເຫັນຈໍານວນໜຶ່ງຮ້ານທີ່ລັກລອບຂາຍຢາສູບໄຟຟ້າ ຜ່ານການກວດກາພົບເຫັນຢາສູບໄຟຟ້າຈໍານວນ 1.275 ອັນ ສິນຄ້າເກືອດຫ້າມຈໍານວນດັ່ງກ່າວ ທາງເຈົ້າໜ້າທີ່ໄດ້ຢຶດເພື່ອມາທໍາລາຍຖິ້ມ.

ທີ່ມາ: ຄວາມສະຫງົບ ນວ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...