ແຫຼ່ງຂ່າວຈາກ ແຂວງບໍລິຄຳໄຊ ໃຫ້ຮູ້ວ່າ: ເມື່ອບໍ່ດົນມານີ້, ໄດ້ມີພິທີມອບ-ຮັບເງິນນະໂຍບາຍໃຫ້ຜູ້ທີ່ມີຜົນງານ ແລະ ຄຸນງາມຄວາມດີ ໃນພາລະກິດຮັບໃຊ້ການປະຕິວັດຊາດ ປະຊາທິ ປະໄຕ ປະຈຳປີ 2022 ຕາມດຳລັດ 272/ລບ ຢູ່ພະແນກແຮງງານ ແລະ ສະຫັວດດີການ-ສັງຄົມແຂວງ ຈໍານວນ 5 ທ່ານ, ຍິງ 1 ທ່ານ ໃນ 2 ເມືອງຄື: ເມືອງບໍລິຄັນ ແລະ ເມືອງວຽງທອງ ລວມເປັນເງິນທັງໝົດ 109 ລ້ານກວ່າກີບ ເຊິ່ງມອບໂດຍ ທ່ານ ບຸນສົງ ເພັດຈະເລີນ ຫົວໜ້າຄະນະຈັດຕັ້ງແຂວງ, ມີບັນດາຫົວໜ້າພະແນກ, ຮອງພະແນກ, ຫົວໜ້າຫ້ອງການ ຮສສ ເມືອງ, ຕາງໜ້າຜູ້ໄດ້ຮັບເງິນນະໂຍ ບາຍ ແລະ ພະແນກການອ້ອມຂ້າງແຂວງ ເຂົ້າຮ່ວມ.
ໃນພິທີ ທ່ານ ອຸດອນ ຄໍາພຽນ ຮອງຫົວໜ້າພະແນກແຮງງານ ແລະ ສະຫວັດດີການ-ສັງຄົມແຂວງບໍລິຄຳໄຊ ໄດ້ຜ່ານຂໍ້ຕົກລົງເຈົ້າແຂວງ ວ່າດ້ວຍການນະໂຍບາຍ ການອະນຸມັດເງິນອຸດໜູນເສຍ ສະຫລະຊິວິດ ໃນງວດ IV ປະຈໍາປີ 2022 ຕາມດຳລັດ 272/ລບ ວ່າດ້ວຍມອບເງິນນະໂຍບາຍ ຕໍ່ຜູ້ທີ່ມີຜົນງານ ແລະ ຄຸນງາມຄວາມດີ ໃນພາລະກິດຮັບໃຊ້ການປະຕິວັດຊາດ ປະຊາທິປະໄຕ ສຳລັບປີ 2022 ຈໍານວນ 5 ທ່ານ, ຍິງ 1 ທ່ານ ໃນ 2 ເມືອງຄື: ເມືອງບໍລິຄັນ ແລະ ເມືອງວຽງທອງ;
ໂອກາດນີ້, ທ່ານ ບຸນສົງ ເພັດຈະເລີນ ຫົວໜ້າຄະນະຈັດຕັ້ງແຂວງ ໄດ້ຮຽກຮອງໃຫ້ຕາງໜ້າ ຜູ້ໄດ້ຮັບເງິນນະໂຍບາຍ ຕໍ່ຜູ້ທີ່ມີຄຸນງາມຄວາມດີ ໃນພາລະກິດຮັບໃຊ້ ການປະຕິວັດຊາດ ປະຊາທິປະໄຕໃນຄັ້ງນີ້ ຈົ່ງນໍາໃຊ້ເງິນດັ່ງກ່າວ ໃຫ້ເຂົ້າເປົ້າໝາຍ ແລະ ເໝາະສົມກັບຄວາມເປັນຈິງ.