ການປະຊຸມນຳສະເໜີແຜນໂຄງການກໍ່ສ້າງຂົວລະຫວ່າງຊຽງແມນ- ຫຼວງພະບາງ.
ໃນວັນທີ 12 ມັງກອນ 2023 ໄດ້ຈັດກອງປະຊຸມວາງແຜນສ້າງຂົວລະຫວ່າງຊຽງແມນ-ຫຼວງພະບາງ ໂດຍມີຄະນະນຳທີ່ປຶກສາປະກອບມີ ບໍລິສັດ ເອສ ທີ ເອສ ເອັນຈິເນຍລິ່ງ ຄອນຊາວແທັ້ນ ຈຳກັດ ແລະ ບໍລິສັດ ອິນເຕີເນຊັນແນລ ເອັນຈິເນຍລິ່ງ ຄອນຊາວແທັ້ນ ຈຳກັດ ມາຮ່ວມກອງປະຊຸມ ໂດຍມີທ່ານ ນາງ ສິລິພອນ ສຸພັນທອງ ຮອງເຈົ້າແຂວງຫຼວງພະບາງເປັນປະທານເປີດງານ ທີ່ພະແນກໂຍທາທິການ ແລະ ຂົນສົ່ງແຂວງຫຼວງພະບາງ ໃນກອງປະຊຸມໄດ້ນຳສະເໜີລາຍງານລະຫວ່າງການສຶກສາພ້ອມທັງຮັບຟັງຄຳຄິດເຫັນ ການຈ້າງທີ່ປຶກສາອອກແບບລາຍລະອຽດໂຄງການກໍ່ສ້າງຂົວລະຫວ່າງຊຽງແມນ-ຫຼວງພະບາງ.
ເຊິ່ງທີ່ຕັ້ງຂອງໂຄງການແມ່ນຢູ່ບ້ານຊຽງແມນ ເມືອງຈອມເພັດ ແຂວງຫຼວງພະບາງ ແລະ ອີກຝັ່ງໜຶ່ງແມ່ນຢູ່ບໍລິເວນນະຄອນຫຼວງພະບາງ ແຂວງຫຼວງພະບາງ.
ໃນນັ້ນ ຍັງລົງພື້ນທີ່ສຳຫຼວດຈຸດກໍ່ສ້າງຂົວດັ່ງກ່າວ ໃນວັນທີ 11 ມັງກອນ ທີ່ຜ່ານມາ.
ແຫຼ່ງຂ່າວ NEDA