ນາຍົກລັດຖະມົນຕີຍີ່ປຸ່ນສັ່ງໃຫ້ກະຊວງສາທາລະນະສຸກຫາລືກ່ຽວກັບ ຫຼຸດລະດັບມາດຕະການຂອງພະຍາດໂຄວິດ-19 ໃຫ້ເປັນລະດັບດຽວກັນກັບໄຂ້ຫວັດໃຫຍ່.
ໃນວັນທີ 20 ມັງກອນ 2023 ທີ່ນະຄອນຫຼວງໂຕກຽວ ທ່ານ ຟຸມິໂອະ ຄິຊິດະ ນາຍົກລັດຖະມົນຕີຍີ່ປຸ່ນ ໄດ້ເປີດເຜີຍວ່າ ນອກຈາກຄຳສັ່ງໃຫ້ຫຼຸດລະດັບມາດຕະການໂຄວິດແລ້ວ ລັດຖະບານຍັງຈະພິຈາລະນາທົບທວນລະບຽບການໃສ່ໜ້າກາກອະນາໄມ ແລະ ມາດຕະການປ້ອງກັນການແຜ່ລະບາດອື່ນໆ ແຕ່ຈະຍັງເປີດໂຄງການຊີດວັກຊີນຕໍ່ໄປ.
ປັດຈຸບັນ ຍີ່ປຸ່ນກຳນົດໃຫ້ໂຄວິດ ເປັນໂຣກປະເພດ 2 ເປັນມາດຕະການດຽວກັນກັບວັນນະໂຣກ-ໄຂ້ຫວັດນົກ ຈຶ່ງຕ້ອງຢູ່ພາຍໃຕ້ມາດຕະການທີ່ຄວບຄຸມເຊັ່ນ ຈຳກັດການເດີນທາງຂອງຜູ້ຕິດເຊື້ອ ແລະ ຜູ້ທີ່ມີປະຫວັດໃກ້ຊິດກັບຜູ້ຕິດເຊື້ອ ແລະ ອາດຈະເປີດທາງໃຫ້ຄົນຕ່າງປະເທດທີ່ຈະເຂົ້າມາປະເທດຍີ່ປຸ່ນ ໂດຍບໍ່ຕ້ອງມີຜົນກວດຫາເຊື້ອໂຄວິດ ຫຼື ຖືກກັກໂຕ ຈາກປັດຈຸບັນທີ່ຕ້ອງກັກໂຕ 7 ມື້ ສຳລັບຜູ້ຕິດເຊື້ອ ແລະ 5 ມື້ສຳລັບຜູ້ທີ່ໃກ້ຊິດກັບຜູ້ຕິດເຊື້ອ.
ແຫຼ່ງຂ່າວ Nikkei