spot_img
Homeຂ່າວຕ່າງປະເທດໄທຈັບແກ້ງລັກລອບຂົນຢາບ້າມາແຕ່ປະເທດລາວລວມມູນຄ່າ 15 ລ້ານບາດ

ໄທຈັບແກ້ງລັກລອບຂົນຢາບ້າມາແຕ່ປະເທດລາວລວມມູນຄ່າ 15 ລ້ານບາດ

Published on

ຕຳຫຼວດໄທຈັບໄວລຸ້ນຢືມລົດພໍ່ພາໝູ່ໄປຂົນຢາບ້າທີ່ມາຈາກປະເທດລາວເພື່ອໄປສົ່ງທົ່ວພາກອີສານປະເທດໄທ ປະມານ 1 ລ້ານເມັດ ມູນຄ່າ 15 ລ້ານບາດ ຫຼື ປະມານ 7 ກວ່າຕື້ກີບ.

ວັນທີ 16 ມັງກອນ 2023 ເຈົ້າໜ້າທີ່ຕຳຫຼວດປະເທດໄທ ໄດ້ອອກມາລາຍງານວ່າ: ໄດ້ຈັບທ້າວ ບັອນ ອາຍຸ 22 ປີ ແລະ ທ້າວ ນິວ ອາຍຸ 25 ປີ ທັງສອງຢູ່ແຂວງຣ້ອຍເອັດ ປະເທດໄທ ພ້ອມກັບຢາບ້າຈຳນວນ 998.000 ເມັດ ລົດກະບະ ໂທລະສັບ 2 ໜ່ວຍ ພາຍຫຼັງເຈົ້າໜ້າທີ່ສາມາດຈັບກຸມໄດ້ບໍລິເວນແຄມນ້ຳຂອງທີ່ໜອງຄາຍ ຂະນະທີ່ກຳລັງລັກລອບຂົນຢາບ້າເພື່ອໄປສົ່ງ.

ຈາກການສືບສວນສອບສວນ ຜູ້ກ່ຽວສາລະພາບວ່ານີ້ເປັນຄັ້ງທີ່ 2 ທີ່ລັກລອບນຳຢາບ້າມາຈາກປະເທດລາວ ໂດຍເທື່ອນີ້ໄດ້ຮັບຄ່າຈ້າງເທື່ອລະ 30.000 ບາດ ແລະ ຄ່າເຊົ່າລົດ 20.000 ເຊິ່ງທ້າວ ບັອນ ໄດ້ຢືມລົດພໍ່ມາພ້ອມກັບໝູ່ ໂດຍມີຈຸດໝາຍແມ່ນທ່າເຮືອນ້ຳຂອງ.

ເຈົ້າໜ້າທີ່ຕຳຫຼວດທີ່ໄດ້ເຝົ້າລະວັງພຶດຕິກຳລັກລອບຂົນສົ່ງຢາບ້າ ກໍໄດ້ເຝົ້າມາຈົນໃນວັນທີ 14 ມັງກອນ ຈຶ່ງພົບວ່າມີເຮືອທີ່ມາຈາກຝັ່ງລາວ 2 ລຳຂັບມາ ຫຼັງຈາກນັ້ນຄົນໃນເຮືອຈຶ່ງຂົນເປົາອອກມາ ແລ້ວຈຶ່ງມີຄົນເລັ່ງຂົນເປົານັ້ນຂຶ້ນລົດກະບະ.

ພາຍຫຼັງທີ່ເຈົ້າໜ້າທີ່ໄດ້ເຫັນ ຈຶ່ງໄດ້ສະແດງໂຕເພື່ອຂໍກວດຄົ້ນ ແລະ ຮູ້ວ່ານັ້ນແມ່ນເປົາຢາບ້າທີ່ລັກລອບສົ່ງມາແຕ່ປະເທດລາວ.

ແຫຼ່ງຂ່າວ khonkaenlink

ບົດຄວາມຫຼ້າສຸດ

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...