ໜ່ວຍ​ງານ​ເກັບ​ກູ້​ລະ​ເບີດ​ຂອງ​ຢູເຄຣນ ຈະ​ໄດ້​ຮັບ​ການ​ຝຶກ​ອົບ​ຮົມ​ເຕັກ​ໂນ​ໂລ​ຊີ​ເກັບ​ກູ້​ລະ​ເບີດ​ຈາກ​ສູນ​ປະ​ຕິ​ບັດ​ງານ​​ຂອງ​ກຳ​ປູ​ເຈຍ (CMAC) ໃນ​ເດືອນ​ນີ້.

ຢູ​ເຄ​ຣນ ໄດ້​ລາຍ​ງານ​ວ່າ ມີປະຊາຊົນ​ເສຍ​ຊີ​ວິດ​ສູງ​ສຸດ​ຈາກ​ລະ​ເບີດ​ຝັງ​ດິນ ແລະ​ລະ​ເບີດ​ບໍ່​ທັນ​ແຕກ ຫລັງ​ຈາກ​ຣັດ​ເຊຍ​ບຸກ​ເຂົ້າ​ປະ​ເທດ​ໃນ​ປີ 2022.

ລະເບີດຝັງດິນເຫຼົ່ານີ້ ຍັງສືບຕໍ່ເປັນໄພຂົ່ມຂູ່ຕໍ່ພົນລະເຮືອນ ເຊິ່ງເປັນສາເຫດເຮັດໃຫ້ລັດຖະບານກຳປູເຈຍ ແລະ ຍີ່ປຸ່ນ ເຂົ້າໄປໃຫ້ການສະໜັບສະໜູນ CMAC ແລະ ຊ່ວຍເຫຼືອໂຄງການເກັບກູ້ລະເບີດເພື່ອມະນຸດສະທຳໃຫ້ສຳລັບເກັບກູ້ລະເບີດຈາກຢູເຄຣນ.

ຖະແຫຼງການສະບັບໜຶ່ງຂອງ CMAC ໃຫ້ຮູ້ວ່າ: ລະເບີດຝັງດິນ ແລະ ລະເບີດບໍ່ທັນແຕກຍັງເປັນອັນຕະລາຍຫຼາຍຕໍ່ປະຊາຊົນໃນຢູເຄຣນ ແລະ ຂັດຂວາງການຟື້ນຟູແກ່ປະຊາຊົນຫຼາຍລ້ານຄົນທີ່ຖືກເຄື່ອນຍ້າຍຍ້ອນສົງຄາມໃນປີກາຍນີ້.

ຕາມ​ຂ່າວ​ແຈ້ງວ່າ, ວຽກ​ງານ​ເກັບ​ກູ້​ລະ​ເບີດ​ແລະ​ວັດຖຸ​ລະ​ເບີດ​ທີ່​ຍັງ​ເຫຼືອ​ຈາກ​ສົງຄາມ​ແມ່ນ​ການ​ກະທຳ​ດ້ານ​ມະນຸດສະທຳ​ທີ່​ຈຳ​ເປັນ ​ແລະ ຮີບ​ດ່ວນ​ເພື່ອ​ຮັບປະກັນ​ຄວາມ​ປອດ​ໄພ​ຂອງ​ປະຊາຊົນຢູເຄຣນ, ​ແລະ​ສະໜັບສະໜູນ​ຂະ​ບວນການ​ກໍ່ສ້າງ​ເຮືອນ​ຊານ​ແລະ​ພື້ນຖານ​ໂຄງ​ລ່າງ​ແລະ​ການ​ບຸກ​ເບີກ​ທີ່​ດິນ​ເພື່ອ​ກະສິກຳ.”

ທີ່ມາ:The Laotian Times