ອີງຕມການລາຍງານຂອງທະນາຄານແຫ່ງປະເທດໄທ (BOT) ໃນວັນທີ 13 ມັງກອນ 2023 ຜ່ານມາ, ໄດ້ເຜີຍແຜ່ຂໍ້ມູນຜ່ານເຟສບຸກໃນຫົວຂໍ້ “ເປັນຫຍັງເງິນບາດຈຶ່ງແຂງຄ່າໃນບໍ່ດົນມານີ້? ໂດຍລະບຸ 3 ປັດໄຈທີ່ປະກອບສ່ວນເຮັດໃຫ້ເງິນບາດແຂງຄ່າຕັ້ງແຕ່ຕົ້ນປີ ເງິນບາດແຂງຄ່າຂຶ້ນ 5% ທຽບກັບເງິນໂດລາສະຫະລັດ ແລະ ດັດຊະນີເງິນບາດໄທ (NEER) ເພີ່ມຂຶ້ນ 3%.
ປັດໃຈທີ 1 ແນວໂນ້ມເງິນໂດລາສະຫະລັດ ທີ່ອ່ອນຄ່າຕໍ່ເນື່ອງ ຫຼັງຈາກທະນາຄານກາງສະຫະລັດ (Fed) ສົ່ງສັນຍານຄວາມເຂັ້ມງວດໃນການດຳເນີນນະໂຍບາຍທາງການເງິນລົງ ຈາກເງິນເຟີ້ສະຫະລັດທີ່ຊ້າລົງຢ່າງຕໍ່ເນື່ອງ.
ປັດໃຈທີ 2 ຈີນເປີດປະເທດໄວກວ່າທີ່ຄິດ ສົ່ງຜົນໃຫ້ພາກພຶ້ນເສດຖະກິດ ລວມເຖິງ ໄທ ແລະ ລາວ ຈະໄດ້ຮັບຜົນປະໂຫຍດຈາກການກັບມາຂອງນັກທ່ອງທ່ຽວຊາວຈີນ.
ປັດໃຈທີ 3 ມຸມມອງຂອງຕ່າງຊາດຕໍ່ເສດຖະກິດ ແລະ ການລົງທຶນຂອງປະເທດພາກພຶ້ນທີ່ປັບດີຂຶ້ນ ສາມາດເຫັນໄດ້ຈາກນັກລົງທຶນໃນຫຼາຍປະເທດທີ່ມີຄວາມຕໍ່ເນື່ອງ ໂດຍຕັ້ງແຕ່ຕົ້ນປີ ນັກລົງທຶນຕ່າງຊາດເຂົ້າມາຊື້ຫຸ້ນໃນໄທກວ່າ 1,7 ໝື່ນລ້ານບາດ.
ອ້າງອິງ: ຖານເສດຖະກິດ (ປະເທດໄທ)