ອີງຕາມສຳນັກຂ່າວຮອຍເຕີ ໃນວັນທີ 9 ມັງກອນ 2023 ລາຍງານວ່າ: ຜູ້ສະໜັບສະໜູນອະດີດປະທານາທິບໍດີບຣາຊິວ ທ່ານ ຈາອີ ໂບໂສນາໂຮ (Bolsonaro) ໄດ້ບຸກອາຄານສູງ, ອາຄານລັດຖະສະພາ, ແລະ ປິດລ້ອມທຳນຽບປະທານາທິບໍດີ ໃນກຸງບຣາຊິເລຍເມືອງຫຼວງເມື່ອວັນອາທິດທີ່ຜ່ານມາ.
ສື່ໃນບຣາຊິວລາຍງານວ່າ: ມີຜູ້ປະທ້ວງຫຼາຍກວ່າ 3000 ຄົນ, ບຸກເຂົ້າໄປໃນອາຄານທີ່ທຳການສານສູງບຣາຊິວ, ແລະ ປິດລ້ອມທຳນຽບປະທານາທິບໍດີ, ເຊິ່ງສາເຫດຜູ້ປະທ້ວງເຫຼົ່ານີ້ ສະແດງຄວາມບໍພໍໃຈຕໍຜົນການເລືອກຕັ້ງເມື່ອວັນທີ 30 ຕຸລາ 2022 ທີ່ຜ່ານມາ, ທີ່ ລູອິສ ອິນາ ຊິໂອ ລູລາ ດາຊິນວາ ເອົາຊະນະ ອະດີດປະທານາທິບໍດີ ໂບໂຊນາໂຮໃນການເລືອກຕັ້ງ ແລະ ໄດ້ຂຶ້ນເປັນປະທານາທິບໍດີຄົນໃໝ່ຂອງບຣາຊິວ.
ຢ່າງໃດກໍຕາມ, ອະດີດປະທານາທິບໍດີ ໂບໂຊນາໂຮ ທີ່ມີແນວຄວາມຄິດແບບອະນຸລັກນິຍົມ ໄດ້ຕັ້ງຄຳຖາມຊ້ຳແລ້ວຊ້ຳອີກ ໂດຍບໍ່ມີຫຼັກຖານ ກ່ຽວກັບຄວາມຫນ້າເຊື່ອຖືຂອງລະບົບການເລືອກຕັ້ງຂອງບຣາຊິວ ຫຼັງຈາກການພ່າຍແພ້ຂອງຕົນ ແລະຜູ້ສະໜັບສະໜູນອະດີດຜູ້ນຳບຣາຊິນຫຼາຍຄົນເຊື່ອໃນເລື່ອງນີ້.
ອ້າງອິງ: ຮອຍເຕີ