Homeຂ່າວຕ່າງປະເທດນັກກິລາໝາກຮຸກຍິງ ຂອງອີຣ່ານລົົງແຂ່ງຂັນໂດຍບໍ່ໃສ່ຜ້າຄຸມຫົວ

ນັກກິລາໝາກຮຸກຍິງ ຂອງອີຣ່ານລົົງແຂ່ງຂັນໂດຍບໍ່ໃສ່ຜ້າຄຸມຫົວ

Published on

ເມື່ອບໍ່ດົນມານີ້, Sara Khadem, ນັກກິລາໝາກຮຸກຍິງລະດັບຕົ້ນໆຂອງອີຣ່ານ, ເຂົ້າຮ່ວມການແຂ່ງຂັນຊິງແຊ້ມໂລກໂດຍທີ່ບໍ່ໃສ່ຜ້າຄຸມຫົວ (hijab) ທ່າມກາງ​ການປະ​ທ້ວງ​ຕໍ່ຕ້ານ​ລັດຖະບານ​ທີ່​ເກີດ​ຂຶ້ນ​ນັບ​ແຕ່​ເດືອນ​ກັນຍາ​ເປັນ​ຕົ້ນ​ມາ.

ໃນລະຫວ່າງການແຂ່ງຂັນ FIDE World Rapid and Blitz Chess Championship ທີ່ປະເທດຄາຊັກສະຖານ, Kadem ເຂົ້າແຂ່ງຂັນໂດຍບໍ່ໃສ່ຜ້າຄຸມ, ເຊິ່ງເຮັດໃຫ້ຄົນທົ່ວທຸກມຸມໂລກໃຫ້ຄວາມສົນໃຈກັບເລື່ອງນີ້.

ຫຼ້າສຸດ ຫນັງສືພິມແອັດປາຍ El País ລາຍງານວ່າ: Kadem ບໍ່ມີແຜນທີ່ຈະກັບຄືນໄປອີຣ່ານຫຼັງຈາກຈົບການແຂ່ງຂັນ, ແຕ່ວ່າລາວ, ສາມີ ແລະ ລູກ ຈະໄປຕັ້ງຖິ່ນຖານຢູ່ໃນເມືອງແອັດສະປາຍແທນ. ເນື່ອງຈາກຢ້ານ​ວ່າ​ລັດ​ຈະ​ໃຊ້​ກຳລັງ​ແລະ​ຄວາມ​ຮຸນ​ແຮງ​ເພື່ອຕອບໂຕ້ ແລະ ຈັດການ.

ສຳລັບ Kadem ເປັນນັກກິລາໝາກຮຸກທີ່ມີອາຍຸພຽງແຕ່ 25 ປີ ເປັນນັກກິລາອັນດັບທີ 804 ຂອງໂລກ ແລະ ອັນດັບ 10 ຂອງອີຣ່ານ, ແລະ ເປັນນັກກິລາຍິງຄົນຫຼ້າສຸດຈາກອີຣ່ານ ທີ່ບໍ່ໄດ້ໃສ່ຜ້າຄຸມຫົວ (hijab), ຢ່າງໃດກໍຕາມ ນີ້​ບໍ່​ແມ່ນ​ເທື່ອ​ທຳ​ອິດ​ທີ່​ນັກ​ກິ​ລາ​ຍິງ​ຂອງ​ອີ​ຣ່ານ​ບໍ່​ໄດ້​ໃສ່ຜ້າຄຸມຫົວ (hijabs) ເຂົ້າໃນ​ການ​ແຂ່ງ​ຂັນ ເພາະກ່ອນໜ້ານີ້ Elnaz Rekabi ນັກປີນຜາ ອາຍຸ 33 ປີ ໄດ້ເຂົ້າແຂ່ງຂັນຊິງແຊ້ມໂລກ ເມື່ອບໍ່ດົນມານີ້ ໂດຍບໍ່ໃສ່ຜ້າຄຸມຫົວ ແຕ່ຕໍ່ມານາງປະຕິເສດວ່າບໍ່ໄດ້ຕັ້ງໃຈ.

ອ້າງອິງ: The Matter

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...