ເຕືອນໄພສາວໆ ທັງຫລາຍທີ່ເລັ່ງຜິວຂາວຈົນຕ້ອງຫັນໄປຫາກໍ່ຄີມເຖື່ອນປະສົມສານບາລອດ ພາດມາລະວັງໜ້າເລະໄດ້ ຊຶ່ງມັນບໍ່ຄຸ້ມກັນເລີຍກັບການທີ່ຕ້ອງມານັ່ງເສຍໃຈໃນພາຍຫລັງ
ສຳລັບເລື່ອງລາວທີ່ໄດ້ນຳມາແຊປະສົບການໃຫ້ສາວໆໄດ້ຮູ້ນີ້ ເປັນເລື່ອງລາວທີ່ເກີດຂື້ນຂໍເອົາມາເຕືອນໃຈໃຫ້ສາວໆ ໄດ້ຮູ້ເຖິງພິດໄພຂອງຄີມເຖື່ອນທີ່ປະສົມສານບາລອດກັນ ເລື່ອງເລີ່ມຈາກທີ່ນາງຄົນນີ້ເປັນຜູ້ຍິງທີ່ເລັ່ງຜິວຂາວຈົນເກີນເຫດ ຈົນຕ້ອງຫັນໄປຫາຄີມໜ້າຂາວທີ່ບໍ່ໄດ້ມາດຕະຖານ ເຖິງແມ່ນຈະຮູ້ທັງຮູ້ວ່າມີສານບາລອດປະສົມຢູ່ໃນປະລິມານຫລາຍ ແຕ່ດ້ວຍຄວາມທີ່ຢາກງາມ ຈຶ່ງເຮັດໃຫ້ນາງຕັດສິນໃຈຜິດພາດ ດ້ວຍການໃຊ້ຄີມຕົວໜຶ່ງຕາມໝູ່ຂອງນາງ ຊຶ່ງກໍເປັນຕາມທີ່ນາງຫວັງໃນລະຍະ 1 ເດືອນທຳອິດ ໜ້າຂອງນາງຂາວໃສ ແລະ ນຽນຫລາຍ ແຕ່ພໍຢຸດໃຊ້ເທົ່ານັ້ນແຫລະ ໜ້າພັງ ປ່ຽນເປັນຄົນລະຄົນເລີຍ ສຳລັບສາວໆ ຄົນໃດທີ່ກຳລັງທີ່ຄິດຈະຊື້ຄີມທີ່ບໍ່ໄດ້ມາດຕະຖານເຫລົ່ານີ້ມາໃຊ້ກັນຢູ່ ຢຸດຄິດ ເລີຍເພາະພາດມາແລ້ວອາດໜ້າເລະຄືນາງຄົນນີ້ໄດ້ ຊຶ່ງບອກໄດ້ເລີຍວ່າມັນບໍ່ຄຸ້ມແທ້ໆ
ນາງຕັດສິນໃຈໂພດກະທູ້ນີ້ຂຶ້ນມາເພາະຢາກເປັນອຸທາຫອນສອນໃຈໃຫ້ເພື່ອນໆ ສະໄໝນີ້ ຕ້ອງຂາວ,ຕ້ອງໃສ, ຕ້ອງນຽນຄືກະແສສັງຄົມ ຊຶ່ງມັນເຮັດໃຫ້ເຮົາໝັ່ນໃຈຂຶ້ນ ສະພາບໜ້າເກົ່າເຮົາກໍບໍ່ໄດ້ເປັນຫຍັງຫລາຍ ເເຕ່ໃນບາງເທື່ອຈະມີສິວຂຶ້ນ ເປັນຄື ສິວສ້ຽນ ເເລະ ລູຂຸມຂົນກວ້າງ ສະພາບຜິວມັນ ຜິວຂາວເຫລືອງ ແລະ ມື້ໝຶ່ງເພື່ອນຮອບຂ້າງໃຊ້ຄີມຕົວໜຶ່ງເເລ້ວຄືໃສຂຶ້ນຫລາຍ ນາງຊ້ຳພັດເປັນຄົນມັກລອງຢູ່ເເລ້ວ ເຂົາບອກວ່າມີສານບາລອດຫລາຍ (ຮູ້ທັງຮູ້) ແຕ່ກໍສ່ຽງເພາະບາງຄົນກໍບໍ່ເປັນຫຍັງໃຊ້ເເລ້ວບໍ່ແພ້ ເຮົາເລີຍລອງນຳໃຊ້ໄດ້ເດືອນໜຶ່ງ… ມັນເລີດຫລາຍຝ້າຈາງລົງຫລາຍ ຄືຊ່ວງນັ້ນຮັກຜິວຕົວເອງຫລາຍພໍສົມຄວາມເລີຍຮູ້ສຶກວ່າ ເອີ!! ພໍເຊົາໃຊ້ດີກວ່າໃຊ້ ເເລ້ວກໍ່ເຊົາໃຊ້ ແຕ່ພໍເຊົາໃຊ້ ນາງກໍມາ….
ເບິ່ງໄດ້ຈາກພາບເລີຍ ຄືເລີ່ມຮູ້ສຶກວ່າໜ້າເຮົາເປັນຜົດຜືນ ຈາກການເຊົາໃຊ້ຄີມຕົວນັ້ນໄດ້ປະມານ 1 ອາທິດເກືອບ 2 ອາທິດ ຄືໜ້າເປັນຜົດໆເປັນສິວບໍ່ມີຫົວ ລູຂຸມຂົນຍິ່ງກວ້າງຂຶ້ນໆ ເເລ້ວໄລຍະໜື່ງ ໜ້າເຮົາກໍເປັນແບບນີ້
ໜ້າເຮົາປ່ຽນໄປຫລາຍ ມັນຄືຄວາມຮ້າຍແຮງໃນຊີວິດ ມີຄວາມສຸກຢູ່ເດືອນກວ່າໆເເຕ່ເຮົາຈະຕ້ອງທຸກທໍລະມານເພາະໜ້າເນົ່າໄປອີກດົນປານໃດ ນາງເຊົາໃຊ້ຄີມທຸກຢ່າງ ພັກໜ້າເເຕ່ມັນກໍບໍ່ມີຫຍັງດີຂຶ້ນມາເລີຍ ທຸກໆມື້ຕ້ອງຢູ່ກັບຄວາມອັບອາຍ ໄປໃດມາໃດ ມີເເຕ່ຄົນເບິ່ງບໍ່ແມ່ນເບິ່ງຍ້ອນເຮົາງາມໜ້າຮັກ
ຈຸດສູງສຸດມັນສະຫຍອງຫລາຍ ເປັນຮູຂຸມຂົນໜ້າ ເຮົາບວມຂຶ້ນ ທຸກມື້ ນອກຈາກໄປຝຶກສອນເເລ້ວບໍ່ອອກໄປໃສເລີຍ ເຈັບຫລາຍເຈັບທັງໃຈທັງໜ້າ ແຍງແວ່ນຍາມໃດຮ້ອງໃຫ້ຕະຫລອດໆ ຈັບໜ້າຕົວເອງເເລ້ວສະເທືອນໃຈ ທໍລະມານຫລາຍຂະໜາດກ້ອງ ຄາເມລາ 360 ຍັງເອົາບໍ່ຢູ່ ຄິດເບິ່ງວ່າມັນຮ້າຍເເຮງຂະໜາດໄດ
ເຊື່ອວ່າເລື່ອງນີ້ຄົງຈະເປັນອຸທາຫອນເຕືອນໃຈໃຫ້ສາວໆ ທີ່ກຳລັງຄິດຈະທົດລອງໃຊ້ຄີມເຖື່ອນໄດ້ເປັນຢ່າງດີ ເຫັນແບບນີ້ແລ້ວຢຸດຄວາມຄິດເຫລົ່ານັ້ນແລ້ວຫັນມາໃຊ້ຄີມທີ່ໄດ້ມາດຕະຖານກັນດີກວ່າ ເຖິງແມ່ນຈະບໍ່ໄດ້ຂາວຂຶ້ນວ່ອງໄວທັນໃຈ ແຕ່ກໍປອດໄພກວ່າ ແຖມບໍ່ຕ້ອງມານັ່ງເສຍໃຈໃນພາຍຫລັງຄືກັບນາງຄົນນີ້ອີກດ້ວຍ
