ທະນາຄານແຫ່ງຊາດຂອງອາເຈນຕິນາອອກມາ ຢືນຢັນແລ້ວ ຈະບໍ່ມີການພິມທະນາຄານທີ່ມີໜ້າຂອງ ລີໂອເນວ ເມສຊີ ພ້ອມ ເບີ 10 ຕາມທີ່ເຄີຍມີລາຍງານມາຫຼັງຈາກດາວເຕະໄວ 35 ປີນໍາພາທີມຄວ້າແຊ້ມບານໂລກ 2022 ທີ່ປະເທດກາຕ້າ.
ຫຼັງຈາກຄວາມສໍາເລັດຂອງທັບຟ້າຂາວທີ່ຍິ່ງໃຫຍ່ໃນການຄວ້າແຊ້ມໂລກສະໄໝທີ 3 ໄດ້ສຳເລັດ, ຫນັງສືພິມ El Financiero ຈັດພີມຂ່າວວ່າທະນາຄານແຫ່ງຊາດຂອງອາເຈນຕິນາ. ກຽມພິມທະນະບັດ 1,000 ເປໂຊ ພ້ອມກັບຮູບຂອງ ເມສຊີ ທີ່ມີໝາຍເລກ 10 ລວມທັງຊື່ຂອງ ລີໂອເນລ ແລະ ສະຄາໂລນີ່ ຄູຝຶກທີມຊາດ ເພື່ອໃຫ້ກຽດເປັນວິລະຊົນຂອງຊາດ0
ກ່ອນໜ້ານີ້ໃນຕົ້ນປີ 1978, ທະນາຄານແຫ່ງຊາດຂອງອາເຈນຕິນາ ເຄີຍຜະລິດຫຼຽນເພື່ອສະເຫຼີມສະຫຼອງໂອກາດໄດ້ແຊ້ມໂລກຄັ້ງທໍາອິດ ຢ່າງໃດກໍຕາມ ເຟີນານໂດ ອາລອງໂຊ້ ເຈົ້າໜ້າທີ່ທະນາຄານລະດັບສູງ ຢືນຢັນວ່າ ທະນາຄານບໍ່ມີແຜນການພິມທະນະບັດສະບັບພິເສດຕາມຂ່າວລືໃດໆ.