ເຈົ້າໜ້າທີ່ລະດັບສູງຮອນດູຣັສຖະແຫລງ ແຟນຂອງເອື້ອຍນາງງາມຮອນດູຣັສ ເປັນຄົນລົງມືຂ້າ ເຫດເພາະເກີດ
ການຫຶງຫວງ.
ທ່ານ ອາທູໂຣ ຄໍຣາເລສ ລັດຖະມົນຕີວ່າການກະຊວງປ້ອງກັນຄວາມສະຫງົບຮອນດູຣັສ ໄດ້ຖະແຫລງຂ່າວມື້ວານ
ນີ້ (20 ພະຈິກ) ວ່າ ທ້າວ ປລູຕາໂກ ຣູອິສ ແຟນຂອງນາງ ໂຊເຟຍ ຕຣິນິແດດ ອັນວາຣາໂດ ເຊິ່ງເປັນເອື້ອຍຂອງ
ນາງ ມາເຣຍ ອັນວາຣາໂດ ເຈົ້າຂອງຕຳແໜ່ງນາງງາມຮອນດູຣັສ ເປັນຜູ້ກໍ່ເຫດຍິງ ນາງ ໂຊເຟຍ ແລະ ນາງ ມາ
ເຣຍ ເສຍຊີວິດເມື່ອວັນທີ 13 ພະຈິກທີ່ຜ່ານມາ ໂດຍມີເຫດຈູງໃຈຈາກຄວາມຫຶງຫວງ ແລະ ຕຳຫລວດໄດ້ຍຶດຂອງ
ກາງເປັນປືນສັ້ນ ພ້ອມລົດທີ່ໃຊ້ນຳສົບຂອງຜູ້ເຄາະຮ້າຍທັງສອງໄປຝັງຖິ້ມແຄມແມ່ນ້ຳອະກົວກູອັນ ໃນເມືອງຊານ
ຕາບາບາຣາ.
ໂດຍທ້າວ ຣູອິສ ຜູ້ກໍ່ເຫດໄດ້ເວົ້າວ່າ ເຂົາໄດ້ຜິດຖຽງກັນກັບນາງ ໂຊເຟຍ ເຊິ່ງໄປເຕັ້ນກັບຊາຍຄົນອື່ນຢູ່ໃນງານລ້ຽງ
ວັນເກີດຂອງເຂົາເອງ ຈົນເກີດບັນດານໂທສະຈັບເອົາປືນຂຶ້ນມາຍິງນາງ ໂຊເຟຍ, ຈາກນັ້ນ ນາງ ມາເຣຍ ມິສຮອນ
ດູຣັສເມື່ອເຫັນເຫດການຈິ່ງໄດ້ແລ່ນໜີ ແຕ່ກໍຖືກເຂົາເອງໃຊ້ປືນຍິງເຂົ້າທີ່ຫົວດ້ານຫລັງ 2 ນັດ.
