ເກີດອຸບັດເຫດລົດຕຳກັນຫລາຍສິບຄັນພາບດຽວໃນຈີນ ມື້ວານນີ້ (20 ພະຈິກ) ສົ່ງຜົນໃຫ້ມີຜູ້ເສຍຊີວິດຢ່າງ
ໜ້ອຍ 2 ຄົນ ແລະ ບາດເຈັບອີກກ່ວາ 20 ຄົນ.
ສຳນັກຂ່າວຕ່າງປະເທດລາຍງານວ່າ ເກີດເຫດລົດເກັງ, ລົດກະບະ ແລະ ລົດບັນທຸກຫລາຍກ່ວາ 70 ຄັນ ຕຳກັນພາບ
ດຽວໃນອຸບັດເຫດທີ່ເກີດຂຶ້ນເວລາ 8:00 ໂມງ ຕາມເວລາໃນທ້ອງຖິ່ນ ເທິງທາງດ່ວນເຫີເຝີຍ – ຫວຍໜານ – ຟູ່ຢາງ
ຜ່ານແຂວງອານຮຸຍ ຂອງປະເທດຈີນ.
ແຫລ່ງຂ່າວລາຍງານວ່າ ຕົ້ນຕໍຂອງອຸບັດເຫດດັ່ງກ່າວນີ້ ແມ່ນອາດມາຈາກທັດສະນະວິໄສໃນການເບິ່ງເຫັນຂ້ອນຂ້າງ
ຕ່ຳ ເຮັດໃຫ້ຜູ້ຂັບຂີ່ເບິ່ງເຫັນໄກສຸດບໍ່ເກີນ 30 ແມັດ ເຊິ່ງພໍລົດຄັນຂ້າງໜ້າມີການຕຳກັນເກີດຂຶ້ນ ກໍເຮັດໃຫ້ຄັນທີ່ນຳ
ກົ້ນກັນມາເບຣກບໍ່ທັນ.
ເຫດການດັ່ງກ່າວນີ້ ໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍ 2 ຄົນ ໂດຍມີຜູ້ໄດ້ຮັບບາດເຈັບອີກຫລາຍກ່ວາ 20 ຄົນ ແລະ
ໃນນັ້ນກໍມີຢູ່ປະມານ 12 ຄົນຖືກຕຳຕົວສົ່ງໂຮງໝໍ.
