ຍີ່ປຸ່ນເປີດເຜີຍແຜນການສ້າງກອງທັບຄັ້ງໃຫຍ່ສຸດນັບຕັ້ງແຕ່ສົງຄາມໂລກຄັ້ງທີ 2 ດ້ວຍງົບປະມານ 320 ພັນລ້ານໂດລາສະຫະລັດ ທີ່ຈະຊື້ລູກສອນໄຟ ແລະ ພ້ອມຮັບມືກັບຄວາມຂັດແຍ່ງໃນໂລກ.
ຈາກຄວາມຂັດແຍ່ງກັນລະຫວ່າງລັດເຊຍ ແລະ ຢູເຄຣນ ເຮັດໃຫ້ຢ້ານສົງຄາມຈະເກີດຂຶ້ນ ຫຼ້າສຸດ ຍີ່ປຸ່ນວາງແຜນ 5 ປີ ໃຫ້ກັບປະເທດ ໄດ້ກາຍເປັນຜູ້ໃຊ້ຈ່າຍທາງທະຫານລາຍໃຫຍ່ເປັນອັນດັບ 3 ຂອງໂລກຕໍ່ຈາກ ສ.ອາເມຣິກາ ແລະ ຈີນ ໂດຍພິຈາລະນາງົບປະມານໃນປັດຈຸບັນ.
ລັດຖະບານຍີ່ປຸ່ນ ໄດ້ກັງວົນເລື່ອງທີ່ຣັດເຊຍໄດ້ສ້າງແຮງກະຕຸ້ນໃຫ້ຈີນຮຸກຮານໄຕ້ຫວັນ ແລະ ຄຸກຄາມເກາະຍີ່ປຸ່ນທີ່ຢູ່ໃກ້ຄຽງກັນນີ້ ເພື່ອຈຳກັດການນຳໃຊ້ເສັ້ນທາງເດີນເຮືອຂົນສົ່ງນ້ຳມັນຈາກຕະເວັນອອກກາງ.
ການຮຸກຮານຢູເຄຣນຂອງຣັດເຊຍ ເປັນການລະເມີດກົດໝາຍລະຫວ່າງປະເທດທີ່ຫ້າມໃຊ້ກຳລັງ ແລະ ໄດ້ລະເມີີດຮາກຖານກົດລະບຽບຢ່າງຮ້າຍແຮງ.
ນອກນັ້ນ ຍີ່ປຸ່ນຍັງສັນຍາວ່າ ຈະໃຫ້ຄວາມຮ່ວມມືກັບ ສ.ອາເມຣິກາ ແລະ ປະເທດອື່ນໆ ທີ່ຕ້ານໄພຄຸກຄາມລະຫວ່າງປະເທດ.
ເພື່ອໃຫ້ມີງົບປະມານພຽງພໍ ລັດຖະບານຍີ່ປຸ່ນຈະເພີ່ມພາສີຢາສູບ ບໍລິສັດ ແລະ ພາສີທີ່ໄດ້ຈາກການຟື້ນຟູໄພພິບັດ.
ແຫຼ່ງຂ່າວຈາກ ຣອຍເຕີ