spot_img
Homeຂ່າວພາຍ​ໃນນັກກິລາຍິງປືນແຂວງຫຼວງພະບາງ ຄວ້າ 11 ຫຼຽນ ຊຽງຂວາງເກມ

ນັກກິລາຍິງປືນແຂວງຫຼວງພະບາງ ຄວ້າ 11 ຫຼຽນ ຊຽງຂວາງເກມ

Published on

ກິລາຍິງປືນ ໃນງານມະຫາກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງເປັນເຈົ້າພາບ ມີຊິງໄຊທັງໝົດ 34 ຫລຽນຄຳ, 34 ຫລຽນເງິນ ແລະ 68 ຫລຽນທອງ ໂດຍມີ 9 ພາກສ່ວນເຂົ້າຮ່ວມຊິງໄຊຄື: ນະຄອນຫລວງວຽງຈັນ, ແຂວງຊຽງຂວາງ, ແຂວງຄຳມ່ວນ, ແຂວງຜົ້ງສາລີ, ແຂວງຫລວງພະບາງ, ແຂວງຫົວພັນ, ແຂວງສະຫວັນນະເຂດ, ກະຊວງປ້ອງກັນປະເທດ ແລະກະຊວງປ້ອງກັນຄວາມສະຫງົບ, ເຊີ່ງການແຂ່ງຂັນຈັດເປັນ 3 ໄລຍະ ຄືໄລຍະທີ່ 1 ແລະ 2 ແມ່ນແຂ່ງຂັນຢູ່ສະໜາມກິລາຍຶງປືນ 5 ເມສາ ນະຄອນຫລວງວຽງຈັນ ສ່ວນໄລຍະທີ່ 3 ແມ່ນແຂ່ງຂັນຢູ່ແຂວງຊຽງຂວາງ. ສະເພາະໃນໄລຍະທີສອງຂອງການແຂ່ງຂັນ ໄດ້ມີການຊິງໄຊທັງໝົດ 8 ຫລຽນຄຳ ເຊີ່ງນັກກິລາແຂວງຫລວງພະບາງ ສາມາດຍາດໄດ້ໄດ້ 1 ຫລຽນຄຳ 2 ຫລຽນເງິນ ແລະ 4 ຫລຽນທອງແດງ.

ພັນໂທ ໄວຍະສັກ ຄຳພິຈິດ ຫົວໜ້າຄູຝຶກກິລາຍີງປືນແຂວງຫລວງພະບາງ ໃຫ້ຮູ້ວ່າ: ໃນໄລຍະທີ່ 1 ແລະ 2 ຂອງການແຂ່ງຂັນຢູ່ສະໜາມກິລາຍຶງປືນ 5 ເມສາ ນະຄອນຫລວງວຽງຈັນ ນັກກິລາແຂວງຫຼວງສາມາດຍາດໄດ້ທັງໝົດ 11 ຫຼຽນ, ໃນນັ້ນ ຫຼຽນຄຳ 1 ຫຼຽນ, ຫຼຽນເງິນ 2 ຫຼຽນ ແລະຫຼຽນທອງແດງ 8 ຫຼຽນ ເກີນຄາດໝາຍທີ່ວາງໄວ້ ເຊີ່ງເບື້ອງຕົ້ນຕັ້ງໄວ້ພຽງ 2 ຫຼຽນເງີນ. ສຳລັບ 1 ຫຼຽນຄຳ ໄດ້ຈາກ ນາງ ແອນນີ ວີຈັນອອນ ໃນລາຍການຍີງປືນຍາວເປົ້າເລື່ອນປະສົມບຸກຄົນເພດຍິງ, ຫຼຽນເງິນ 2 ຫຼຽນ ໄດ້ຈາກ ຍີງປືນຍາວເປົ້າເລື່ອນປະສົມ 10 ແມັດ ທິມຍິງ ແລະຍີງປືນຍາວເປົ້າເລື່ອນ 10 ແມັດ ທິມຊາຍ, ຫຼຽນທອງແດງ 8 ຫຼຽນ ໄດ້ຈາກ ຍີງປືນສັ້ນ 50 ແມັດ ທິມຊາຍ, ຍີງປືນອັດລົມຍາວທິມຍິງ, ຍີງປືນຍາວ 22 ສາມທ່າ ທິມຍິງ, ຍີງປືນຍາວ 22 ສາມທ່າ ທິມຊາຍ, ຍີງປືນຍາວເປົ້າເລື່ອນ 10 ແມັດ ບຸກຄົນຍິງ, ຍີງປືນຍາວເປົ້າເລື່ອນ 10 ແມັດ ທິມຍິງ, ຍີງປືນຍາວເປົ້າເລື່ອນ 10 ແມັດ ບຸກຄົນຊາຍ, ຍີງປືນຍາວເປົ້າເລື່ອນປະສົມ 10 ແມັດ ບຸກຄົນຍິງ.

ສະຫລຸບຫຼຽນສຳລັບກິລາຍິງປືນ ໃນສອງໄລຍະຜ່ານມາ: ແມ່ນກະຊວງປ້ອງກັນປະເທດ ເປັນຜູ້ນຳຫລຽນຄຳ ໄດ້ 10 ຫລຽນຄໍາ, 11 ຫລຽນເງິນ ແລະ 10 ຫລຽນທອງແດງ, ທີ 2 ກະຊວງປ້ອງກັນຄວາມສະຫງົບ ໄດ້ 8 ຫລຽນຄໍາ, 7 ຫລຽນເງິນ ແລະ 8 ຫລຽນທອງແດງ, ທີ 3 ນະຄອນຫລວງວຽງຈັນ ໄດ້ 2 ຫລຽນຄຳ 1 ຫລຽນເງິນ 13 ຫລຽນທອງແດງ, ທີ່ 4 ແຂວງຊຽງຂວາງ ໄດ້ 2 ຫລຽນຄຳ, 1 ຫລຽນເງິນ ແລະ5 ຫລຽນທອງແດງ, ທີ່ 5 ແຂວງຫລວງພະບາງ ໄດ້ 1 ຫລຽນຄໍາ, 2 ຫລຽນເງິນ ແລະ 8 ຫລຽນທອງແດງ, ທີ່ 6 ແຂວງຄຳມ່ວນ ໄດ້ 1 ຫລຽນຄຳ, 2 ຫລຽນເງິນ ແລະ 6 ຫລຽນທອງແດງ, ທີ່ 7 ຮ່ວມ ມີ ແຂວງຜົ້ງສາລີ ໄດ້ 1 ຫລຽນຄຳ 1 ຫລຽນເງິນ ແລະ 1 ຫລຽນທອງແດງ ແລະແຂວງຫົວພັນ ໄດ້ 1 ຫລຽນຄໍາ 1 ຫລຽນເງິນ ແລະ 1 ຫລຽນທອງແດງ. ສ່ວນການແຂ່ງຂັນໄລຍະທີ 3 ຈະມີການແຂ່ງຂັນໃນລະຫວ່າງວັນທີ 14-16 ທັນວາ 2022 ທີ່ໂຮງຮຽນນາຍສິບຂອງແຂວງຊຽງຂວາງ ເປັນປະເພດປືນສັ້ນ 15 ແມັດ ແລະ 25 ແມັດ ຍິງ-ຊາຍ ຊິງໄຊທັງໝົດ 8 ຫລຽນຄຳ ພາຍຫຼັງສຳເລັດການແຂ່ງຂັນ ຈະມີພິທີມອບຫຼຽນຢ່າງເປັນທາງການ.

Cr: ຂ່າວສານຫຼວງພະບາງ

ບົດຄວາມຫຼ້າສຸດ

ໃນປີ 2024 ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ

ແຂວງໄຊສົມບູນ ກວດພົບພະນັກງານ ສໍ້ລາດບັງຫຼວງ 3 ຄົນ ມູນຄ່າເສຍຫາຍເກືອບ 20 ລ້ານກີບ ໃນປີ 2024 ຄະນະກວດກາພັກ,ອົງການກວດກາລັດ ແຂວງໄຊສົມບູນ ຈັດກອງປະຊຸມ ສະຫຼຸບຕີລາຄາວຽກງານກວດກາທົ່ວແຂວງໄຊສົມບູນ ປະຈຳປີ...

ກອງທັບປະຊາຊົນລາວ ສິ້ນສຸດພາລະກິດ ຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ

ກອງທັບປະຊາຊົນລາວ ສໍາເລັດການຊ່ວຍເຫຼືອຜູ້ປະສົບໄພແຜ່ນດິນໄຫວຢູ່ ສສ ມຽນມາ ໃນວັນທີ 8 ເມສາ ຜ່ານມາ ຄະນະປະຕິບັດງານຊ່ວຍເຫຼືອຜູ້ປະສົບແຜ່ນດິນໄຫວຂອງກອງທັບປະຊາຊົນລາວ ນຳໂດຍສະຫາຍ ພັນເອກ ປາດຖະໜາ ບຸດຕິຈັກ ຮອງຫົວໜ້າຫ້ອງການກົມໃຫຍ່ເສນາທິການກອງທັບ, ຄະນະກຳມະການຄຸ້ມຄອງໄພພິບັດກະຊວງປ້ອງກັນປະເທດ,...

ຕົກກາງທະເລ! ເຮລິຄອບເຕີແພດຍີ່ປຸ່ນຕົກທະເລ ຂະນະຂົນສົ່ງຜູ້ປ່ວຍໄປໂຮງໝໍ

ເຮລິຄອບເຕີແພດຂອງຍີ່ປຸ່ນເກີດເຫດຕົກກາງທະເລ ຂະນະກຳລັງຂົນສົ່ງຜູ້ປ່ວຍໄປໂຮງໝໍ ເຮັດໃຫ້ມີຜູ້ເສຍຊີວິດ 3 ຄົນ. ສຳນັກຂ່າວຕ່າງປະເທດລາຍງານ ເຫດເຮລິຄອບເຕີແພດຍີ່ປຸ່ນລຳໜຶ່ງຕົກກາງທະເລ ຂະນະກຳລັງຮັບ-ສົ່ງຜູ້ປ່ວຍ 1 ຄົນໄປໂຮງໝໍ ໂດຍເດີນທາງຈາກສະໜາມບິນສຶຊິມະ ໃນຈັງຫວັດນາງາຊາກິ ໄປໂຮງໝໍໃນເມືອງຟຸຄຸໂອກະ ເມື່ອວັນທີ 6...

ປະຊາຊົນຊາວອາເມລິກາລວມຕົວກັນຕາມເມືອງໃຫຍ່ ກວ່າ 50 ລັດ ປະທ້ວງຕໍ່ຕ້ານ ໂດນັລ ທຣຳ ຜູ້ນຳສະຫະລັດ

ຊາວອາເມລິກາລວມຕົວກັນຕາມເມືອງໃຫຍ່ ແລະ ສະຖານທີ່ຕ່າງໆ ເພື່ອປະທ້ວງຕໍ່ຕ້ານ ປະທານາທິບໍດີ ໂດນັລ ທຣຳ ແລະ ອີລອນ ມັສ. ສຳນັກຂ່າວຕ່າງປະເທດລາຍງານໃນວັນທີ 6 ເມສາ 2025 ຜ່ານມານີ້ວ່າ:...