ສານຕັດສິນປະຫານຊີວິດ 2 ຄົນ ຖານຄ້າຂາຍຢາເສບຕິດ

0
608

ສານພິຈາລະນາຕັດສິນປະຫານຊີວິດ ຈໍາເລີຍຄ້າຂາຍຢາເສບຕິດ.

ໃນວັນທີ 18 ພະຈິກ 2022, ຄະນະສານອາຍາ ສານປະຊາຊົນຂັ້ນຕົ້ນ ແຂວງອຸດົມໄຊ ໄດ້ພິຈາລະນາຕັດສິນປະຫານຊີວິດ ຈໍາເລີຍ 2 ຄົນ.

ຊື່ ທ້າວ ປໍຈົວ ອາຍຸ 31 ປີ ແລະ ທ້າວ ຊົວເຈີລີ ອາຍຸ 59 ປີ ຢູ່ບ້ານພູສະຫວັນ ເມືອງໄຊ ແຂວງອຸດົມໄຊ ສະຖານຄ້າຂາຍຢາເສບຕິດ ແລະ ມີຢາເສບຕິດ ປະເພດຢາບ້າໄວ້ໃນຄອບຄອງ ພ້ອມທັງຮິບຊັບທີ່ມີສ່ວນພົວພັນກັບຢາເສບຕິດເຂົ້າເປັນຂອງລັດ.

ໃນມື້ດຽວກັນນີ້້ ຍັງໄດ້ຕັດສິນລົງໂທດຕັດອິດສະລະພາບ ທ້າວ ຊົວເຈີລີ ອາຍຸ 59 ປີ ບ້ານ ພູສະຫວັນ ເມືອງໄຊ ຈໍາຄຸກ 5 ປີ ປັບໃໝ 10.000.000 ກີບ ແລະ ທ້າວ ກົງລີ ອາຍຸ 19 ປີ ຄົນບ້ານດຽວກັນ ຈໍາຄຸກ 2 ປີ ປັບໃໝ 10.000.000 ກີບ ສະຖານຄ້າຂາຍຢາເສບຕິດ ແລະ ມີຢາເສບຕິດ ປະເພດຢາບ້າ ໄວ້ໃນຄອບຄອງ.

ແຫຼ່ງຂ່າວ ຄວາມສະຫງົບ Lao Security News