spot_img
Homeຂ່າວຄາດຕະກຳຊາວນາຖືກລົດປັ່ນເຂົ້າ ກ່ຽວເອົາຜ້າຂາວມ້າທີ່ພັນຄໍຢູ່ປັ່ນຄໍຂາດ

ຊາວນາຖືກລົດປັ່ນເຂົ້າ ກ່ຽວເອົາຜ້າຂາວມ້າທີ່ພັນຄໍຢູ່ປັ່ນຄໍຂາດ

Published on

ສາວຊາວນາ ອາຍຸ 39 ປີ ຊ່ວຍພີ່ນ້ອງຈັບຖົງປຸ໋ຍ ແລ້ວຖືກເຄື່ອງປັ່ນເຂົ້າກ່ຽວເອົາຜ້າຂາວມ້າທີ່ພັນຄໍຢູ່ນັ້ນ ປັ່ນຄໍຂາດເສຍຊີວິດ.

ວັນທີ 20 ພະຈິກ 2022 ເວລາປະມານ 16:00 ໂມງ ທີ່ແຂວງອຸດອນ ປະເທດໄທ ເກີດເຫດລົດປັ່ນເຂົ້າເປືອກ ປັ່ນຄໍຂາດເສຍຊີວິດ ຂະນະທີ່ຢືນຈັບຖົງປຸ໋ຍຮອງເອົາເຂົ້າຈາກເຄື່ອງປັ່ນທາງດ້ານຫຼັງລົດ.

ພາຍຫຼັງທີ່ເຈົ້າໜ້າທີ່ເຂົ້າໄປທີ່ເກີດເຫດກໍພົບຜູ້ເສຍຊີວິດ ຊື່ນາງ ນິຕະຍາ ອາຍຸ 39 ປີ  ນອນຫງາຍຄໍຂາດເສຍຊີວິດ ແລະ ຜູ້ເປັນສາມີໄດ້ກອດລາວຢູ່ ພ້ອມກັບເສຍໃຈທີ່ສູນເສຍພັນລະຍາ ແລະ ຍັງມີພີ່ນ້ອງອີກ 2 ຄົນຢູ່ໃນບ່ອນເກີດເຫດ.

ໂດຍຜູ້ທີ່ເປັນພີ່ນ້ອງຊື່ ທ້າວ ຖະວັດໄຊ ຢູ່ໃນບ່ອນເກີດເຫດໄດ້ເລົ່າວ່າ ຂະນະທີ່ເກີດເຫດນັ້ນ ຕົນເອງໄດ້ຢູ່ດ້ານໜ້າຂອງລົດປັ່ນເຂົ້າ ແລະ ກຳລັງເຕີມນ້ຳໃສ່ໝໍ້ນ້ຳລົດ ເພາະຢ້ານໝໍ້ນ້ຳແຫ້ງ ແລ້ວໄດ້ຍິນສຽງເຈົ້າຂອງນາຮ້ອງບອກໃຫ້ຢຸດເຄື່ອງປັ່ນເຂົ້າ ຈາກນັ້ນຕົນກໍຮີບມອດເຄື່ອງ ໂດຍຕອນທຳອິດຄິດວ່າລົດເພ ຫຼັງຈາກທີ່ໄດ້ເຫັນຜູ້ເສຍຊີວິດຖືກປັ່ນຄໍຂາດກໍຮູ້ສຶກຕົກໃຈ ແລະ ເຫັນສາມີນອນກອດສົບຮ້ອງໄຫ້ ແລະ ມີພີ່ນ້ອງທີ່ຢືນຈັບຖົງປຸ໋ຍນຳກັນກໍເປັນລົມ.

ສາເຫດການເສຍຊີວິດແມ່ນມາຈາກ ຜູ້ເສຍຊີວິດໄດ້ເອົາຜ້າຂາວມ້າມາໃຊ້ໂພກຫົວ ແລະ ພັນຄໍ ຖືກລົມພັດປິວເຂົ້າໄປແລ້ວເຄື່ອງປັ່ນເຂົ້າກໍດູດເອົາຫົວຜູ້ເສຍຊີວິດໄປນຳ ແລ້ວຖືກເຄື່ອງປັ່ນຕັດຄໍຂາດ.

ໃນເບື້ອງຕົ້ນ ທາງເຈົ້າໜ້າທີ່ໄດ້ແຈ້ງຂໍ້ຫາຕໍ່ທ້າວ ຖະວັດໄຊ ຜູ້ທີ່ຄວບຄຸມເຄື່ອງປັ່ນເຂົ້າຢູ່ດ້ານໜ້າ ຖານກະທຳດ້ວຍຄວາມປະໝາດ ເປັນເຫດໃຫ້ຄົນອື່ນເສຍຊີວິດ ແລະ ຍັງຈະໄດ້ສືບສວນສອບສວນຕື່ມ ເພື່ອດຳເນີນໄປຕາມກົດໝາຍ.

ແຫຼ່ງຂ່າວ SANOOK

ບົດຄວາມຫຼ້າສຸດ

ສົມເດັດພະເທບ ຢ້ຽມຢາມໂຮງຮຽນວັດທະນະທໍາປ້ອງກັນຄວາມສະຫງົບ ທີ່ແຂວງວຽງຈັນ.

ສົມເດັດພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງຣາຊະອານາຈັກໄທ ຢ້ຽມຢາມໂຮງຮຽນວັດທະນະທໍາ ປກສ ຕອນບ່າຍວັນທີ 23 ເມສາ 2025 , ສົມເດັດພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງ...

ພິທີເຄື່ອນຍ້າຍອັດຖິຂອງ ສະຫາຍ ພົນເອກ ຄໍາໄຕ ສີພັນດອນ

ເຄື່ອນຍ້າຍອັດຖິ ພົນເອກ ຄຳໄຕ ສີພັນດອນ ໄປສະຖິດຢູ່ ສຸສານນັກຮົບປະຕິວັດແຫ່ງຊາດ ພິທີເຄື່ອນຍ້າຍອັດຖິຂອງ ສະຫາຍ ພົນເອກ ຄໍາໄຕ ສີພັນດອນ ອະດີດປະທານຄະນະບໍລິຫານງານສູນກາງພັກ, ອະດີດປະທານປະເທດ ແຫ່ງ ສາທາລະນະລັດ...

ມອບ-ຮັບງົບປະມານ ໃນການສ້ອມແປງເສັ້ນທາງ 16B ໄລຍະທາງ 8 ກິໂລແມັດ

ກຽມສ້ອມແປງເສັ້ນທາງ 16B ດ້ວຍງົບປະມານມູນຄ່າ 445.053,17 ໂດລາສະຫະລັດ ໃນວັນທີ 22 ເມສາ ນີ້ ທີ່ຫ້ອງປະຊຸມ ພະແນກໂຍທາທິການ ແລະ ຂົນສົ່ງແຂວງເຊກອງ ໄດ້ມີພິທີມອບ-ຮັບງົບປະມານ ໃນການສ້ອມແປງເສັ້ນທາງ...

ກອງປະຊຸມສະຫຼຸບວຽກງານຮອບດ້ານ ປະຈຳປີ 2024 ແລະ ທິດທາງແຜນວຽກງານຈຸດສຸມ ປີ 2025.

ຫສນຍ ຈັດກອງປະຊຸມສະຫຼຸບວຽກງານຮອບດ້ານ ປະຈຳປີ 2024 ແລະ ທິດທາງແຜນວຽກງານຈຸດສຸມ ປີ 2025. ໃນຕອນເຊົ້າວັນທີ 21 ເມສາ 2025 ທີ່ຫ້ອງວ່າການສໍານັກງານນາຍົກລັດຖະມົນຕີ (ຫສນຍ) ໄດ້ຈັດກອງປະຊຸມສະຫຼຸບການນໍາພາ-ຊີ້ນໍາວຽກງານຮອບດ້ານ...