spot_img
Homeຂ່າວຕ່າງປະເທດຕຳຫລວດ ພົບສົບນາງງາມຮອນດູຣັສ ແລະ ເອື້ອຍແລ້ວ ຫລັງຫາຍຕົວໄປ 6 ວັນ

ຕຳຫລວດ ພົບສົບນາງງາມຮອນດູຣັສ ແລະ ເອື້ອຍແລ້ວ ຫລັງຫາຍຕົວໄປ 6 ວັນ

Published on

1

 

ຕຳຫລວດຮອນດູຣັສ ພົບສົບຍິງສາວ 2 ຄົນ ຄາດເປັນນາງງາມຮອນດູຣັສ ແລະ ເອື້ອຍຂອງນາງ ທີ່ຫາຍຕົວໄປ

ເມື່ອ 6 ມື້ທີ່ແລ້ວ.

 

ສຳນັກຂ່າວຕ່າງປະເທດລາຍງານວ່າ ເຈົ້າໜ້າທີ່ຕຳຫລວດແຫ່ງຊາດຮອນດູຣັສດ້ຖະແຫລງພົບສົບຍິງສາວ 2

ຄົນ ຖືກຝັງຢູ່ໃກ້ກັບຮ້ານສະປາແຫ່ງໜຶ່ງ ໃນເມືອງຊານຕາບາບາຣ່າ ຫ່າງຈາກນະຄອນຫລວງເຕກູຊິກັນປາ ໄປ

ທາງຕາເວັນຕົກປະມານ 400 ກິໂລແມັດ ໂດຍເຊື່ອວ່າໜຶ່ງໃນສົບທີ່ຖືກພົບ ເປັນຮ່າງຂອງ ນາງ ມາເຣຍ ໂຮເຊ່

ອັນວາຣາໂດ້ ອາຍຸ 19 ປີ ນາງງາມຮອນດູຣັສ ປະຈຳປີ 2014 ແລະ ອີກສົບໜຶ່ງ ກໍຄາດວ່າຈະແມ່ນ ນາງ ໂຊເຟຍ

ອາຍຸ 23 ປີ ເຊິ່ງເປັນເອື້ອຍຂອງມິສຮອນດູຣັສ.

 

ຢ່າງໃດກໍຕາມ ຕຳຫລວດຍັງລໍຖ້າການພິສູດທາງນິຕິເວດເສຍກ່ອນ ວ່າຜູ້ຕາຍທັງສອງຄົນ ແມ່ນຖືກຕາມການ

ສັນນິຖານໄວ້ ຫລື ບໍ່ ໂດຍທາງຕຳຫລວດໄດ້ຖະແຫລງວ່າ ທັງຄູ່ຖືກຍິງເສຍຊີວິດ ໃນຂະນະທີ່ໄດ້ທຳການຈັບກຸມ

ທ້າວ ປລູຕາໂກ້ ຣຸຍ ເພື່ອນຊາຍຂອງພວກກ່ຽວ ເຊິ່ງເປັນອະດີດແຟນຂອງນາງ ໂຊເຟຍ ແລະ ທ້າວ ອະຣິສ ມັນ

ໂດນາໂດ້ ຜູ້ສົມຮູ້ຮ່ວມຄິດອີກຄົນໜຶ່ງແລ້ວ.

 

ທັງນີ້ ນາງ ມາເຣຍ ແລະ ນາງ ໂຊເຟຍ ຖືກພົບເຫັນຄັ້ງສຸດທ້າຍ ໃນມື້ວັນພະຫັດທີ 13 ພະຈິກທີ່ຜ່ານມາ ໃນຮ້ານ

ສະປາເມືອງຊານຕາບາບາຣ່າ ເຊິ່ງທັງສອງໄດ້ເດີນທາງໄປຮ່ວມງານວັນເກີດຂອງທ້າວ ປລູຕາໂກ້ ຣຸຍ ກ່ອນທີ່ຈະ

ຫາຍຕົວໄປ.

 

ນາງ ມາເຣຍ ໄດ້ຖືກຄັດເລືອກຄອງຕຳແໜ່ງນາງງາມ ມິສຮອນດູຣັສ ເມື່ອເດືອນເມສາທີ່ຜ່ານມາ ແລະ ນາງກໍ

ກຳລັງກຽມທີ່ຈະເດີນທາງໄປປະກວດມິສເວີນດ໌ ໃນນະຄອນຫລວງລອນດອນອີກພາຍໃນເດືອນໜ້ານີ້.

 

ບົດຄວາມຫຼ້າສຸດ

ລວມ 9 ອາຊີບມາແຮງໃນປັດຈຸບັນ

ໃນຍຸກປັດຈຸບັນຕະຫຼາດແຮງງານທີ່ກຳລັງເຕີບໃຫຍ່ຢ່າງໄວວາ ໂດຍໄດ້ຮັບອິດທິພົນມາຈາກ ແທັກໂນໂລຢີ ແລະ ພຶດຕິກຳຂອງຜູ້ຊົມໃຊ້ທີ່ປ່ຽນໄປ ເຮັດໃຫ້ທິດທາງການຫາວຽກຂອງແຮງງານເລີ່ມມີຄວາມທ້າທາຍຂຶ້ນ. ສະນັ້ນ, ທີມງານລາວໂພສຈຶ່ງໄດ້ລວບລວມບັນດາອາຊີບທີ່ມາແຮງ ແລະ ຕ້ອງການໃນຕະຫຼາດແຮງງານຫຼາຍທີ່ສຸດ ໃນປີ 2025 ມາເບິ່ງພ້ອມກັນເລີຍວ່າຈະມີອາຊີບໃດແນ່. 1 ນັກພັດທະນາປັນຍາປະດິດ...

ພິທີວາງສີລາລຶກການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມແຫ່ງໃໝ່

ສະຫະລັດອາເມຣິກາ ແລະ ສປປ ລາວ ສະເຫຼີມສະຫຼອງ ພິທີວາງ ສີລາລຶກ ການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມ ແຫ່ງໃໝ່ຂອງພາສີລາວ ນະຄອນຫຼວງວຽງຈັນ, ສປປ ລາວ, ວັນ​ທີ...

ແກ້ງຢານາຣົກຕີນຽນ! ໃສ່ປ້າຍລົດລັດຂົນຢາບ້າກວ່າ 10 ລ້ານເມັດຜ່ານຈຸດກວດ ສຸດທ້າຍຖືກເຈົ້າໜ້າທີ່ົໄລ່ຍິງ

ໄລ່ຍິງສະນັ່ນ! ເຈົ້າໜ້າທີ່ຕຳຫຼວດໄລ່ຍິງກຸ່ມແກ້ງຄ້າຢາເສບຕິດ ໂດຍການໃສ່ປ້າຍລົດລັດ. ໃນຄັ້ງວັນທີ 10 ພຶດສະພາ 2025 ທາງເຈົ້າໜ້າທີ່ປະຈໍາຈຸດກວດການໍ້າເກິ່ງໄດ້ເຮັດວຽກກວດກາຍານພາຫະນະເປັນປົກກະຕິ, ຮອດເວລາປະມານ 11 ໂມງ 00 ນາທີ ໄດ້ມີລົດຟໍຈູນເນີ ສີປອນ...

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...