ອິງຕາມການລາຍງານຂອງສຳນັກຂ່າວຕ່າງປະເທດ ໃນວັນທີ 14 ພະຈິກ 2022 ທີ່ຜ່ານມາ, ຕຳຫຼວດຕວັກກີສາມາດຈັບຜູ້ຕ້ອງສົງໄສຄົນນຶ່ງໄດ້ຄາດວ່າເປັນຜູ້ວາງລະເບີດຢູ່ໃນເຂດການຄ້າໃນ Istanbul, ເຮັດໃຫ້ມີຜູ້ເສຍຊີວິດຢ່າງນ້ອຍ 6 ຄົນ ບາດເຈັບ 81 ຄົນ, ບາດເຈັບເລັກໜ້ອຍສາມາດອອກໂຮງໝໍໄດ້ແລ້ວ 50 ຄົນ, ສ່ວນ 31 ຄົນແມ່ນນອນຮັກສາໂຕຢູ່ໃນໂຮງໝໍ, ເຊິ່ງຮອງປະທານາທິບໍດີ ເຊື່ອວ່າເປັນການກໍ່ການຮ້າຍ.
ຫຼ້າສຸດຕຳຫຼວດໄດ້ລາຍງານວ່າ: ສາມາດຈັບຕົວຜູ້ຕ້ອງສົງໄສຄາດວ່າຈະເປັນຜູ້ວາງລະເບີດ, ດ້ານທ່ານ ຟູອັດ ອັອກເຕຍ ຮອງປະທານາທິບໍດີຕວັກກີ ບອກວ່າ: ການວາງລະເບີດໃນຄັ້ງນີ້ແມ່ນອາດຈະເປັນການກໍ່ການຮ້າຍ ແລະ ຜູ້ໃດຢູ່ເບື້ອງຫຼັງກໍຈະຖືກຈັບຕົວ ແລະ ດຳເນີນຄະດີ ເຊັ່ນດຽວກັນກັບປະທານາທິບໍດີ Recep Tayyip Erdogan ໄດ້ປະນາມການໂຈມຕີດັ່ງກ່າວ ແລະ ຈະຕ້ອງນຳຕົວຜູ້ກະທຳຜິດມາຮັບໂທດໃຫ້ໄດ້.
ທີ່ມາ: standard