ວັນທີ 3 ພະຈິກ 2022 ເກົາຫຼີເໜືອໄດ້ທົດສອບຍິງລູກສອນໄຟ 3 ລູກ ແລະ ຄາດວ່າມີລູກສອນໄຟຍິງໄປໄກຂ້າມທະວີບ ຈົນຍີ່ປຸ່ນຕ້ອງປະກາດເຕືອນປະຊາຊົນໃນພາກກາງ ແລະ ພາກເໜືອຂອງປະເທດ ຫາບ່ອນລີ້ໄພ.

ການຍິງລູກສອນໄຟຂອງເກົາຫຼີເໜືອໃນມື້ນີ້ ເກີດຂຶ້ນຫຼັງຈາກມື້ວານນີ້ຍິງລູກສອນໄຟຢ່າງໜ້ອຍ 23 ລູກເຊິ່ງເປັນການຍິງຫຼາຍສຸດພາຍໃນມື້ດຽວ.

ລະບົບແຈ້ງເຕືອນໄຟສຸກເສີນຂອງຍີ່ປຸ່ນ ເຕືອນປະຊາຊົນໃນ ແຂວງມິຢາງິ ຢາມາກາຕະ ແລະ ນີງາຕະ ໃນພາກກາງຂອງປະເທດ ໃຫ້ຫາບ່ອນລີ້ໄພໃນຕຶກອາຄານໂດຍດ່ວນ ພາຍຫຼັງທີ່ມີການແຈ້ງເຕືອນແລ້ວ 25 ນາທີ ໜ່ວຍຍາມແຄມຝັ່ງຂອງຍີ່ປຸ່ນໄດ້ລາຍງານວ່າ ລູກສອນໄຟໄດ້ຕົກລົງມະຫາສະໝຸດປາຊີຟິກແລ້ວ.

ຕໍ່ມາກະຊວງປ້ອງກັນປະເທດຂອງຍີ່ປຸ່ນໄດ້ຢືນຢັນວ່າ ລູກສອນໄຟດັ່ງກ່າວບໍ່ໄດ້ເຂົ້າມາໃນນ່ານຟ້າຂອງຍີ່ປຸ່ນ.

ແຫຼ່ງຂ່າວຈາກ ຣອຍເຕີ