spot_img
Homeຂ່າວພາຍ​ໃນລົດໄຟຈີນ-ລາວ ໄດ້ເປີດໃຫ້ບໍລິການຂົນສົ່ງສິນຄ້າຄົບທຸກສະຖານີແລ້ວ!

ລົດໄຟຈີນ-ລາວ ໄດ້ເປີດໃຫ້ບໍລິການຂົນສົ່ງສິນຄ້າຄົບທຸກສະຖານີແລ້ວ!

Published on

ວັນທີ 1 ພະຈິກ 2022, ສະຖານີເມືອງໄຊເປີດດຳເນີນທຸລະກຳຂົນສົ່ງສິນຄ້າຢ່າງເປັນທາງການ, ອັນເປັນຂີດໝາຍວ່າສະຖານີຂົນສົ່ງສິນຄ້າທາງລົດໄຟຈີນ-ລາວ ໄດ້ເປີດໃຫ້ບໍລິການຄົບທຸກສະຖານີແລ້ວ, ເຊິ່ງທັງໝົດມີ 7 ແຫ່ງຄື:ສະຖານີວຽງຈັນໃຕ້, ສະຖານີໂພນໂຮງ, ສະຖານີວັງວຽງ, ສະຖານີຫຼວງພະບາງ, ສະຖານີນາເຕີຍ ແລະ ສະຖານີເມືອງໄຊ, ເປັນການອຳນວຍຄວາມສະດວກໃຫ້ແກ່ການຂົນສົ່ງສິນຄ້າ ແລະ ຊ່ວຍຊຸກຍູ້ເສດຖະກິດທ້ອງຖິ່ນ ແລະ ພາກພື້ນ.


ສະຖານີເມຶອງໄຊ ຕັ້ງຢູ່ແຂວງອຸດົມໄຊ ໃຈກາງແຫ່ງທາງພາກເໜືອຂອງລາວ,ເປັນທັງສະຖານີຂົນສົ່ງຜູ້ໂດຍສານ ແລະ ຂົນສົ່ງສິນຄ້າ, ມີເນື້ອທີ່ທັງໝົດ 4.582 ຕາແມັດ; ຄວາມຍາວຂອງລາງຂົນສົ່ງສິນຄ້າພາຍໃນສະຖານີແມ່ນ 367 ແມັດ, ເຮັດວຽກໄດ້ສູງສຸດ 12 ຕູ້ລົດ; ມີລາງຮັບສົ່ງລົດໄຟ 3 ລາງ.

ປະຈຸບັນ, ພະນັກງານຄຸ້ມຄອງ ແລະ ພະນັກງານປະຕິບັດການຂອງສະຖານີຂົນສົ່ງສິນຄ້າແມ່ນມີຄວາມພ້ອມໃນການໃຫ້ບໍລິການແລ້ວ ແລະ ອຸປະກອນການບັນທຸກ, ເຄື່ອງຊັ່ງນໍ້າໜັກລົດບັນທຸກ, ເຄື່ອງເຕີມນໍ້າມັນ ແລະ ອື່ນໆກໍໄດ້ກຽມພ້ອມແລ້ວ ຕອບສະໜອງເງື່ອນໄຂການເປີດດຳເນີນທຸລະກຳຂົນສົ່ງສິນຄ້າໄດ້ຢ່າງຄົບຖ້ວນ.
ໃນດ້ານການຂົນສົ່ງສິນຄ້າ, ສະຖານີຂົນສົ່ງສິນຄ້າເມືອງໄຊຫຼັກໆແມ່ນດຳເນີນການຮັບສົ່ງຕູ້ຄອນເທນເນີ, ໃນເບື້ອງຕົ້ນຂອງການເປີດບໍລິການ, ຕົ້ນຕໍແມ່ນຊ່ວຍຊຸກຍູ້ການສົ່ງອອກຜົນຜະລິດ, ຜະລິດຕະພັນກະສິກຳ, ພືດພັນທົດແທນ ແລະ ແຮ່ໂລຫະເປັນຕົ້ນ.
ສຳລັບສາຍດ່ວນຕິດຕໍ່ການຂົນສົ່ງສິນຄ້າທາງລົດໄຟລາວ-ຈີນ
ສະຖານີວຽງຈັນໃຕ້ 021-891259
ສະຖານີວັງວຽງ 021-891199
ສະຖານີນາເຕີຍ 021-891039
ສະຖານີຫຼວງພະບາງ 021-891129
ສະຖານີໂພນໂຮງ 021-891229
ສະຖານີກາສີ 021-891149
ສະຖານີເມືອງໄຊ 021-891169

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...